[retour à un affichage normal]

Mazarinade n° B_9_10

Image de la page

Anonyme [1652], LES PARTICVLARITEZ DE LA BATAILLE GENERALE, donnée entre l’Armée de son A. R. Commandée par Messieurs le Prince de Condé, les Ducs de Beaufort & de Nemours: Et celle des Mazarins dans la plaine de Galles, entre Chastillon sur Loin & Briare, le huictiéme Avril 1652. , françaisRéférence RIM : M0_2708. Cote locale : B_9_10.

donné l’aisle droicte à Monsieur de Beaufort,
& la gauche à monsieur de Nemours. quoy
que blessé à la premiere attaque, & reserué
le gros de la bataille pour luy, il apprit sur le
point du iour que lesdits mazarins s’estoient
retirez du lieu ou ils estoient, & qu’ils auoient
passé dans vne plaine voisine qui estoit couuerte
d’vne colline & d’vn bois d’où il estoit
impossible de les voir qu’en se hazardant de
trauerser ce bois, ce qui n’empescha pas que
monsieur le Prince de Condé ne fut en personne
accompagné de quatre Caualliers pour
reconnoistre la posture des ennemis, & voulant
entrer dans le bois il fut trouué trop espais,
en sorte qu’ils furent contrains de
prendre par ce costé, & ayant apperçeu deux
Caualiers mazarins que monsieur le Prince
voulut attaquer crainte d’estre par eux descouuert,
il en fut diuerty par ceux qui l’assistoient,
qui luy dirent qu’ils estoient de ses
gens, cents Caualiers eschaperent par ce
moyen & furent aduerrir le mareschal de
Turenne de la rencontre qu’ils auoient faite,
lequel iugeant bien que cela n’estoit pas sans
dessein, il se saisit de l’eminence de cette colline,
au pied de laquelle commence la plaine
de Galles, d’où ayant veu l’armée de monsieur