[retour à un affichage normal]

Mazarinade n° B_19_37

Image de la page

Anonyme [1652], LES PARTICVLARITEZ DV SECOND COMBAT donné entre l’armée de Son Altesse Royale, commandée par Messieurs les Comtes de Tauannes & Baron de Clinchamp, & l’armée commandée par le Mareschal de Turenne, deuant la ville d’Estampes le vingt-neufiéme May 1652. Auec la prise de leurs drapeaux, canons & bagage, & le Neueu du Cardinal Mazarin blessé, & autres. , françaisRéférence RIM : M0_2718. Cote locale : B_19_37.

pieces de canon de fonte verte, qui estoient
les seules qu’il auoit de cette estoffe, treize
drapeaux & dix sept Cornettes, qui ont esté
portées dans la ville d’Estampes, dedans &
deuant laquelle nos soldats sont d’autant
plus resolus de se deffendre, & de faire porter
la peine de leur lacheté à ceux qui exposent
leur vie pour l’interest du Mazarin, que
celuy-cy se trouue hors d’estat de pouuoir
plus rien tenter contre eux.
 
Il seroit inutile d’exagerer icy le courage
de Messieurs de Tauanne & de Clinchamp,
l’vn d’auoir soûtenu vne heure entiere auec
trois mil hommes au plus, & la pluspart Infanterie,
l’insulte de toute la Caualerie de
Turenne, sans se rompre en aucune façon,
ny donner le moindre iour à ladite Caualerie,
& l’autre d’auoir si bien medité le temps
de sa sortie, qu’elle a seruy, non seulement
pour soustenir ledit sieur de Clinchamp,
mais encore d’enuironner le Mareschal de
Turenne, & d’asseurer vne victoire qui
pouuoit estre aussi douteuse, que la perte
auroit esté fatale au bon party.
Le Cheualier de Guise, les Comtes de
Ryeux & de Pas partirent hier pour aller faire