[retour à un affichage normal]

Accueil > recherche > Affichage d'une occurrence en contexte

Mazarinade n° A_2_64

Image de la page

Anonyme [1649], EXHORTATION DE LA PVCELLE D’ORLEANS, A TOVS LES PRINCES DE LA TERRE, DE FAIRE vne Paix generale tous ensemble, pour venger la mort du Roy d’Angleterre, par vne guerre toute particuliere. , françaisRéférence RIM : M0_1329. Cote locale : A_2_64.


qui ne sont enuoyées icy bas que pour gouuerner les hommes,
elle est descenduë du Ciel auec moy par vn commandement
absolu de la Diuinité, pour se transporter vers les suprémes
puissances du bas monde, afin de les exhorter par ma bouche
à prendre les armes contre les parricides Anglois.
 
Apollon autrefois s’adressa à Pâris, auquel il parla en cette
sorte : C’est donc maintenant qu’il faut que nous voyons ruiner les
haultes Tours de Troye, que i’ay eu tant de peine à bastir : Est-il possible
que vous iettiez les yeux sans affliction, sur ce Fort penchant à
sa ruine ? Et comme il vid Pâris qui laschoit quelques traits sur
des simples Soldats, sans valeur & sans nom, luy dit : Comment
t’amuses-tu à perdre ton temps & tes fléches, dans le sang de ce menu
Peuple ? Ce n’est pas là que tu dois viser, si tu veux te conseruer. Ha
Roys de la terre ! ie ne m’adresse pas à Pâris, mais à Paris : Que
faites-vous maintenant, que vostre Confrere massacré, non par
le foible bras d’vn Pâris, mais decapité par la main d’vn lasche
bourreau d’Enfer, se plaint à vous pour en retirer vne iuste vengeance ?
Ne perdez point vostre temps & vos pouldres, pour
affoiblir vos forces, en vous affoiblissans vous mesmes par la
mort de tant d’hommes de cœur. Vnissez-vous, & ramassez
vos Escadrons, pour esteindre cette maudite race d’Anglois,
qui ont si cruellement & si traitreusement ensanglanté leurs
mains dans le sang de leur Prince. Quoy ! les dernieres paroles
de ce pauure Roy, laissent-elles vostre cœur sans ressentiment
de sa mort ? Quand Darius dernier Roy des Perses, eut
l’heur en son dernier mal heur, de rencontrer vn Citoyen auprés
d’vne fontaine : il recommanda à ce grand Alexandre la
vengeance du traistre, & la justice des Roys ; & telle recommandation
eut tel pouuoir auprés d’vn Ennemy, que Bessus fut
donné au frere de Darius, pour estre aussi justement puny,
comme il auoit brutalement massacré son maistre. Est-il possible
qu’vn Ennemy trouue du ressentiment pour rendre justice
à l’autre, & que vos cœurs ne s’ouurent point pour auoir compassion
de vostre frere ? Faut il qu’vne pauure veufue desolée,
reduite à la derniere extrémité, ne puisse faire naistre aucune
pitié dans vos ames ? Ces pauures orphelins esleuez dans l’esperance