[retour à un affichage normal]

Mazarinade n° B_9_29

Image de la page

Anonyme [1652 [?]], LES PVRES VERITEZ Qui ne sont point connuës. , françaisRéférence RIM : M0_2929. Cote locale : B_9_29.

pechez, & de pardon à ses ennemis, auec des marques
d’vne contrition si grande & si parfaite, que le Prestre
qui lui donna l’absolution, assure d’en auoir esté sensiblement
touché. Ie me trouue obligé de vous dire encore
(Monsieur) que l’on remarque que les Princes de
la Maison de Sauoye, à cause du S. Suaire, ne sont iamais
morts sans absolution ; & moy ie croy que la belle
vie de ce Prince, & la deuotion qu’il auoit à la Vierge
ont fait le miracle de luy donner trois quarts-d’heure
de vie, ne deuant pas humainement viure vn instant
aprés le coup qu’il auoit receu ; & cela si veritable que
Mr l’Archeuesque de Sens, & Mrs les Euesques de Lizieux & de Geneve en ayans esté pleinement informez,
ont fait rendre à feu Monsieur de Nemours dans leurs
Dioceses tous les honneurs funebres qui sont deubs à
vne personne de sa qualité, & font continuer les marques
de leur pieté par des Messes & des prieres continuelles.
I’ose esperer (Monsieur) que personne ne luy
pourra dénier les siennes, aprés des exemples si considerables,
en attendant que l’on puisse transporter son
corps à Nemours, & de là à Anecy lieu de sa sepulture,
& de ses Ancestres, pour y faire des seruices tres-solennels,
& Oraisons funebres dignes de sa qualité, & de la
memoire eternelle qui luy est deuë. Cependant, Monsieur,
ie suis absolument persuadé que vous les auez
preuenuës par vos soins & par vos prieres, & que vous
me ferez tousiours l’honneur de me croire,
 
MONSIEVR,
Vostre tres humble seruiteur,
****