[retour à un affichage normal]

Accueil > recherche > Affichage d'une occurrence en contexte

Mazarinade n° C_9_21

Image de la page

Anonyme [1649], LES REGLES GENERALES, Et Statuts Militaires, Qui doiuent estre obseruez par les Bourgeois de Paris & autres Villes de France, à la garde des portes desdites Villes & Faux-bourgs. , françaisRéférence RIM : M0_3077. Cote locale : C_9_21.


Enseigne, Sergent, Caporal & Anspassade,
il faut qu’il obeysse vnanimement à tous en
ce qui est de son deuoir, sans murmurer ny enfreindre
les loix de l’Art Militaire, sur peine de
perdre ce glorieux tiltre de Soldat, qui n’appartient
qu’aux belles ames.
 

II.
Tout Bourgeois qui se voudra bien ranger
dans son deuoir & en receuoir de l’honneur, il
faut qu’il tienne ses armes claires, nettes & toûjours
prestes à faire leur effect. Que si c’est vn
mousquet, qu’il soit soigneux que le serpentin
soit bien huillé, que ses ressorts soient libres, que
son bassinet ne recele point d’ordure, que sa lumiere
ne soit point bouchée, & que le canon du
mousquet soit aussi net dedans que dehors. Le
mesme en sera fait de l’harquebuze.

III.
Il faut que le Mousquetaire soit tousiours muny
de papier attaché aux charges de sa bandoliere,
pour bourrer apres auoir mis sa charge de
poudre, il faut qu’il en aye tousiours au moins
cinq ou six charges, & autant de balles de calibre,
& qu’il n’en mette iamais dans son mousquet que
ce ne soit pour aller en faction, encore faut-il
que son Caporal ou Lanspassade luy commande.