[retour à un affichage normal]

Mazarinade n° A_8_12

Image de la page

Anonyme [1649], LES REGRETS DV CARDINAL MAZARIN, SVR LE LEVEMENT DV SIEGE DE CAMBRAY. Auec la description des Arcs de Triomphe qu’il pretendoit faire eriger lors qu’il feroit sa premiere entrée dans cette Place. , françaisRéférence RIM : M0_3085. Cote locale : A_8_12.

en colere, il battoit des pieds & des mains, il déchira
& mangea toutes les lettres & tous les desseins
de ces Tableaux que Torelly luy auoit faits
pour cette magnifique entrée. Bref il vomit tant
d’iniures & tant de reproches contre les Allemans,
& generalement contre tous les Officiers
de l’Armée, qu’il seroit impossible de les raconter.
Quoy, dit il, faut-il que ie sois si mal-heureux
que la Nation en laquelle ie mettois toute ma
confiance & ma seureté soit celle qui m’ait abandonné
au besoin, que ces Allemans par lesquels
ie pretendois me vanger des Parisiens, & des autres
François rebelles, n’ayant pû soustenir l’effort
des trois mille hommes, Est ce ainsi, traistres
& chelmes, que vous m’auez seruy pour tant de
biens que ie vous ay fait ? Ha ! que ie vois biẽ pourtant
que vous n’estes bons qu’à picorer, & que les
François ont mille fois plus de cœur & plus de
vigueur que vous autres. Ie vois par vostre lascheté
tous mes desseins reduits en fumée, ie pensois
d’estre le Maistre absolu de Cambray comme
ie suis de Dumkerque, mais à present i’ay peur
que l’ennemy deuenu orgueilleux de ce bon succez,
ne tourne toutes ses forces pour m’oster aussi
bien la premiere comme il m’a empesché de
prendre l’autre ; Quoy ie ne feray point cette
pompeuse & magnifique entrée où ie m’estois
imaginé paroistre auec tant d’esclat ; Quoy ! mes
Niepces accompagnées de ces Princes & Grands