[retour à un affichage normal]

Mazarinade n° C_10_21

Image de la page

Anonyme [1649], LES SOVPIRS DES PARISIENS SVR L’ABSENCE DV ROY. , françaisRéférence RIM : M0_3707. Cote locale : C_10_21.

oppresser, que de produire la moindre action qui
peut donner lieu de croire qu’ils eussent eu dessein
d’entreprendre contre l’authorité Royalle & le
respect qu’ils doiuent à vostre Maiesté.
 
Les effects ont suiuy cette verité, & les violences
que l’on a exercées contre eux, n ont point esté
capables de leur faire fausser le respect qu’ils vous
doiuent, au contraire leurs submissions & la
prompte obeissance qu’ils ont temoigné à vos
commandemens sont des témoins irreprochables
de leur amour & de leur fidelité & ferment la bouche
a ceux qui voudroient persuader le contraire
à vostre Maiesté.
La ioye de leur cœur paroist toute euidente lors
qu’ils entendent dire qu’ils seront honnorez de vostre
Royalle presence ; Les Eglises sont remplies de
vœux, les rues sont pleines d’acclamations, personnes
n’a d’autre entretien que du retour tant
souhaité de V. M. dans sa ville Capitale, les plus
obstinez mesme font tréue à la violence de leur
humeur, & confessent hautement qu’ils ne desirent
autre chose que cette heureuse entrée, sçachans
bien que l’affection de vos fideles subiets ne
pourroit souffrir aucun, qui eust d’autres sentimens
que l’obeissance & le respect.p>
Les Roys sont les images viuantes du Grand
Dieu : qui luy mesme les à nommées ses Christs,
qui vent dire en François ses Oincts ; tiltre si puissant
& si releué qu’il impose vne loy infaillible a
tous subiets de leur rendre des deuoirs & des submissions
toutes extraordinaires, comme estans les
veritables Lieutenant de la Diuine Maiesté, mais
que disie Lieutenant il faut dire plutost semblable
à luy, par la diuine Onction que luy mesme a enuoyée
pour les sacrer particulïerement les Roys