[retour à un affichage normal]

Mazarinade n° B_12_44

Image de la page

Anonyme [1652], LES VISIONS EFFROYABLES APPARVES AV PERE SVPERIEVR DES THEATINS, CONFESSEVR ET PREDICATEVR DV CARDINAL MAZARIN. Auec les trois Centuries de Pallemont Menalcas & Damette aussi Theatins. , françaisRéférence RIM : M0_4041. Cote locale : B_12_44.

tant soit peu ses os sonnoient cõme des Cliquettes
de corde, ce quatriesme estoit vn petit Forgeron
reparé les iours des Festes ou bien quelque
Charbonnier a qui on ne voit que les yeux. Ie
vous diray seulement que nostre bon Pere estoit
vn peu hardy : mais le petit Frere estoit si estonné
qu’il ny auoit pas moyen de l’asseurer, auec des
tremblemens horribles que les machoires faisoiẽt
plus de bruit que la Cliquette d’vn Moulin,
Ces deux fesses s’entrechoquoient si fort qu’elle
faisoient plus de bruit qu’vn Ministre frapant
des mains quand i fait son preche ou quand on
applaudit quelqu’vn, & que les petits escolliers
frappent des mains quand leur Camarade a dict
quelque bon ergo. Ce bon frere en vn mot faisoit
plus de signes de Croix qu’il n’y en a dans le Cimetiere
des Innocens, ou dans la Clauieule de
Salomon, sans vous tenir plus long temps ie vous
diray, que nostre bon Pere leur parla de la sorte,
& leur commanda de la part du grand Dieu viuant
de luy dire qui ils estoient, & qui les auoit amenez
icy & d’ou ils estoient venus, & le temps
qu’ils demeuroient en ce Chasteau. Le premier de
ces quatre se leua, respond & luy parle en ces termes,
Moy que tu vois & qui te parle, ie suis le bisayeul,
celuy d’apres moy est mon fils & grand
pere du dernier, & le troisiesme est pere du quatriesme
tous parens : En fin ie suis le pere du grand
pere & l’ayeul de ce Gentilhomme qui demeure
dans ce Chasteau qui eumon petit fils, Ie t’apprend