[retour à un affichage normal]

Accueil > recherche > Affichage d'une occurrence en contexte

Mazarinade n° B_11_29

Image de la page

Anonyme [1652], EXTRAICT DES REGISTRES DV PARLEMENT, CONTENANT Ce qui s’est passé pour l’esloignement du Cardinal Mazarin. , françaisRéférence RIM : M0_1351. Cote locale : B_11_29.


auons prise conforme aux bonnes intentions de Monsieur le
Duc d’Orleans vostre Oncle, ne partent que de la passion extréme
que nous auons & conseruerons toute nostre vie pour
la Personne sacrée de Vostre Maiesté, pour la tranquillité de la
France, & la paix de la Chrestienté. Ces veritables protestations
sont les vœux des tres-humbles, tres-obeyssans & tres-fidelles
Seruiteurs, Sujets & Officiers de vostre Parlement.
FAIT en Parlement le iour & an susdit.
  Du Vendredy douziesme Avril mil six cens
cinquante-deux, du matin.

CE iour la Cour, toutes les Chambres assemblées, Monsieur
le Duc d’Orleans y estant, & le Sieur Prince de
Condé, presens les Gens du Roy, ledit Sieur Duc d’Orleans a
dit ; Que la Compagnie sçauoit ce qu’il auoit fait pour le seruice
du Roy & de son Estat, pour la deffense de ses Sujets, & pour la
Paix generale dans le Royaume ; Que son Cousin le Prince
de Condé auoit les mesmes sentimens ; Qu’il en auoit cy-deuant
fait sa Declaration, contenuë au Registre du vingt-huictiesme
Fevrier dernier, & à laquelle il persistoit.