[retour à un affichage normal]

Accueil > recherche > Affichage d'une occurrence en contexte

Mazarinade n° A_5_81

Image de la page

Anonyme [1649], LETTRE DE LA REYNE D’ANGLETERRE, A LA REYNE REGENTE, En faueur de la France, & pour la Paix du Royaume. , françaisRéférence RIM : M0_1943. Cote locale : A_5_81.


LETTRE DE LA REYNE
d’Angleterre à la Reyne Regente, en faueur
de la France, & pour la Paix du Royaume.

MADAME,
Ie ne puis montrer à vostre Majesté des preuues plus
sensibles de l’affection que ie luy porte, qu’en la priant
de ietter ses yeux de compassion sur la France, qui souffre
plus voyant son Tyran aupres de vostre Royale & Sacrée
Personne, qu’à la veuë de tant de malices desquelles
il luy a fait ressentir Ie ne puis sans pitié vous en dire
mon iuste ressentiment, ie croy que cette haute Vertu,
que vostre Majesté a conseruée si Religieusement, & la
bonté qui a paru autrefois auec tant d’éclat, & qui a attiré
l’affection cordiale de vos Sujets, sera touchée & flechie
par les plaintes & clameurs d’vn si aymable & debonnaire
Royaume qui n’a des vœux que pour son Roy, & de
la bien-vueillance pour vne si illustre Princesse comme
vous, à laquelle les Peuples ont fondé leur esperance &
leur repos ; qui ne seroit troublé n’estoit cét oppresseur &
Estranger, qui vous donne de mauuais & pernicieux
conseils, imprimant dans vostre cœur Royal des pensées
de vengeance, & qui inculque dans vostre memoire des