[retour à un affichage normal]

Mazarinade n° B_14_5

Image de la page

Anonyme [[s. d.]], EXTRAIT DES REGISTRES DE PARLEMENT. Touchant les plaintes que Loüis Duc d’Orleans beau-frere du Roy Charles 8. fit en Parlement le 17. Iauuier 1484. Contre l’Enleuement de ce Roy par Anne de France Comtesse de Beau-jeu, & de Bourbon sa sœur, sur ce que sa Maiesté n’estoit en liberté, & que ce n’estoit point le Roy qui agissoit. , françaisRéférence RIM : M0_1354. Cote locale : B_14_5.

Sujets, d’éloigner d’auprés de sa personne l’Estrãger
qu’il a proscrit & declaré criminel, & de retourner
dedans son Louure ou il est attendu &
desiré de tous les bons François. Si dis-je quelques
membres pourris, & vne douzaine de faux
freres sans adueu, sans pouuoir, sans commission,
& sans marque de Magistrature osent
entreprendre à la face d’vn jeune Roy trompé,
vne affaire de cette importance, que ne
pourra pas le corps entier & plus sain, &
plus authorisé, lors qu’il y va de l’honneur
de sa Majesté, de la conseruation de son authorité,
& du salut de tout l’Estat. Les siecles à
venir s’estonneront d’vne temerité, & d’vne in fidelité
si grande, & ie ne sçais comme celuy d’aujourd’huy
la pourra assez punir, encore que la
honte & l’infamie que ses Autheurs en receuront
dedans l’Histoire en les nommant seulement, sera
vn supplice que les gens de bien & les gens
d’honneur ont tousiours plus craint & plus redouté
que les peines & les punitions corporelles
qui ne sont que pour ceux qui sont sans nom &
sans naissance ; puisque ; Melius est nomen bonum,
quam diuitiæ multæ ; Prouerb. cap. 22. vers. I.
 

FIN.