[retour à un affichage normal]

Accueil > recherche > Affichage d'une occurrence en contexte

Mazarinade n° C_5_3

Image de la page

Anonyme [1649 [?]], Factum Notable. Pour Thomas Carrel Huissier Sergent à cheual au Chastelet de Paris, demandeur en execution des Arrests de la Cour des 7. Decembre 1645. & 19. Decembre 1647. , françaisRéférence RIM : M0_1363. Cote locale : C_5_3.


se pourroient imaginer afin d’en oster la cognoissance, & effacer
tous les vestiges : & n’en ayant point trouué d’autres que
ceux de la violence, l’vn d’eux accompagné de quantité d’hommes
armez, & d’vn Commissaire à leur deuotion est entré de
force pendant la nuict, sur les vnze heures, en sa maison le 3.
Février 1639. où ayant fait ouuerture d’vn buffet, il en enleua
tous les papiers specialement plusieurs Rolles de taxes, Arrests
& quittances seruans d’vne plus entiere conviction des crimes
susdits. Mais de plus grande encore, y ayant preuue d’autres vols
de plus de cinq ou six millions faits sur le Roy & ses Sujets, en
vertu de faux Rolles & Arrests collationnez par lesdits Catelan
& Tabouret, qui ne sont pas au procez, lesquels ne se seruent
de ce charactere, & n’ont achepté leurs charges que pour ce
mauuais vsage : En telle sorte qu’à cause qu’ils font ordinairement
glisser cette clause dans les Rolles & les Arrests, que foy
sera adioustée aux coppies collationnées comme aux originaux,
ils en abusent iusques à tel point qu’ils en composent comme
bon leur semble, & sont assez hardis & effrontez de taire des leuées
de deniers sur telles faussetez.
 
Contre cette violence suiuie d’vne plus grande, ayant ledit
Commissaire & ceux qui l’accompagnoient fait signer au demandeur
vn certain procez verbal le poignard sur la gorge,
qu’il dressa comme il voulut, sans luy en laisser aucune coppie.
Ledit demandeur s’estant plaint aux Requestes de l’Hostel, &
obtenu contre lesdits accusez vn decret d’adiournement personnel
le cinquiesme dudit mois de Février, ils se pourueurent
au Conseil à dessein d’arrester le cours de cette procedure, où ils
obtindrent Arrest le neufiesme ensuiuant, portant euocation
dudit procez criminel, & descharge des assignations à eux
données à comparoir en personne ausdites Requestes de l’Hostel,
auec deffenses audit Carrel de pour suiure ailleurs qu’audit
Conseil.
Contre cét Arrest ainsi obtenu par surprise, ledit demandeur
s’estant pourueu par Requeste audit Conseil le seiziesme dudit
mois de Février, tendant aux fins de renuoy par deuant lesdites
Requestes de l’Hostel, lesdits accusez auroient fait commettre
Monsieur de Moricq Conseiller d’Estat pour la liquidation des
frais & descharges demandées par Carrel seulement, sans faire