[retour à un affichage normal]

Accueil > recherche > Affichage d'une occurrence en contexte

Mazarinade n° C_5_2

Image de la page

Anonyme [1649 [?]], FACTVM Pour M. Bernard de Bautru Aduocat au Conseil Priué du Roy, intimé & appellant de la procedure extraordinaire, & sentence du 4. iour du present mois de Iuin, & demandeur. Contre le Substitut de Monsieur le Procureur general au Chastelet, appellant, intimé & defendeur. , français, latinRéférence RIM : M0_1366. Cote locale : C_5_2.


Vaudran se chargea de ce manuscrit pour le donner à imprimer,
ce qu’il auroit fait quelques iours apres, & le nomme Boucher
l’auroit imprimé de son ordre & par les soins.
 
L’accuse soustient qu’il ne saut pas beaucoup de raisonnement
pour destourner cette supposition ; c’est vn homme qui aduouë
son crime, & qui se descharge sur vn autre, il porte son reproche
auec luy : il demeure d’accord que c’est luy qui a mené le premier
Imprimeur dans la maison de l’accusé : que ce premier Imprimeur
ayant manqué & n’estant pas venu, que l’accusé n’en a point recherché
d’autres, mais qu’il s’en est luy-mesme charge, & qu’il a
pris les soins de faire imprimer le Discours au premier de sa connoissance.
Et bien que la pluspart des choses contenuës dans cette deposition
ne soient pas veritables, qu’elles soient fausses & supposees,
que l’accuse n’ait iamais parlé au nommé Vaudran de faire imprimer
la piece dont est question, le tesmoignage qu’il rend contre
luy mesme peut-il seruir à la conuiction de l’accuse ? vn homme
qui s’offre & se defere luy mesme en Iustice qui se dit coulpable
& criminel, ne peut pas estre condamné, s’il n’y a encores
d’autres preuues qui confirment sa confession ; & neantmoins l’on
veut que dans vne accusation destituee mesme de toute apparence
& de presomption, ce nommé Vaudran puisse conuaincre l’accusé
des crimes qu’il aduouë luy mesme, l’on veut qu’il trouue l’impunité
dans sa personne, non pas à cause qu’il s’accuse, mais parce
qu’il en accuse vn autre.
Mais ce qui fait paroistre que ce tesmoin a esté prattiqué pour
perdre vn homme d’honneur, c’est qu’encores qu’on eut pris grand
soin de l’instruire pour sa deposition, il n’a pourtant pas laisse de
varier dans sa confrontation : car il n’y a que la verité qui soit toûiours
semblable à elle mesme, le mensonge est toûiours deguisé :
dans sa deposition il dit que l’accuse luy auoit encores mis entre
les mains vne piece intitulee, La Requeste des Prouinces desolees :&
dans sa confrontation il dit au contraire, qu’il l’a euë des mains
de son Clerc, sans qu’il l’ait sceu, & hors sa presence. Cette variation
est tres importante, & fait voir que ce nommé Vaudrin est vn
homme qui cherche par tout des pieces secrettes & inconnuës
pour en faire commerce, ou plutost pour surprendre ceux qui s’en
trouuent quelquefois chargez par la curiosité naturelle & la conioncture
des affaires.