[retour à un affichage normal]

Accueil > recherche > Affichage d'une occurrence en contexte

Mazarinade n° C_3_38

Image de la page

Anonyme [1649], LETTRE ESCRITE A MONSIEVR LE COMTE DE PIGNERANDA, PLENIPOTENTIAIRE D’ESPAGNE, POVR LA PAIX GENERALE ; SVR LE RETOVR DV ROY dans sa Ville de Paris : PAR VN FAMEVX RELIGIEVX de la Ville de Doüay. Traduite d’Espagnol en François. , françaisRéférence RIM : M0_2209. Cote locale : C_3_38.


enfin à vne intemperie de passions meslangées qui le picquent
toutes à la fois, qui sortent comme en presse & en
desordre sans luy donner le loisir de remarquer leur visage,
leur contenance & leurs artifices. Comment que ce soit,
V. G. doit aduoüer que ces naturels là sont des abysmes à
la portée des hommes, qu’on ne sçauroit comprendre : Celuy
qui est le seul Scrutateur de cœurs, & qui a desbroüillé
ce premier amas des choses rudes & indigestes, qui furent
du commencement du monde, peut voir seul dans ces obscuritez.
La Politique, quoy que cette bien aymée des
siecles, qui tire vn tribut innocent des saisons, qui sçait, qui
voit, qui se promene seule dans l’Vniuers comme dans sa
maison, aduouë qu’elle n’a point d’art ny de regle qu’elle
puisse sagement appliquer sur ces esprits volages. Ils rompent
toute sorte d’estude & d’obseruation qu’on sçauroit
faire sur les affaires & sur le temps : ils n’ont point de vertu
à laquelle ils s’attachent scrupuleusement, ny de vice qu’ils
professent par methode. Quand on pense arracher leurs
maximes, leurs mœurs & leurs inclinations, on ne peut pas
seulement esbaucher leur physionomie. Les autres Peuples
reconnoissant le temps pour leur maistre, se rendent
vtiles ou pernicieux, selon le mouuement qui les importe,
& le diuers succés des choses qui les agite : il ne s’en est presque
point trouué dans quelque mauuais dessein si fort retenu
par le respect ou par la honte, qui ne l’aye aussi-tost confirmé
par la coustume ; ny qui ait eu le loisir comme celuy-là
de s’affermir & de faire du progrez par la tolerance, & le
consentement, qui ne s’y soit pris quasi tousiours auec impunité.
 
A dire vray, comme cét Estat n’auoit point esté iusques
icy susceptible d’aucune grande reuolution, & que selon
l’Oracle de la Medecine, tout changement soudain est dangereux
dans vn corps ; ie pensois fermement qu’il ne seroit
pas au pouuoir de ses Ministres d’arrester le cours de ces
mauuaises humeurs, ny d’entreprendre d’en émouuoir
quelqu’vne sans luy donner lieu de tuer auant que de se