[retour à un affichage normal]

Mazarinade n° C_6_4

Image de la page

Anonyme [1649], MANIFESTE DV ROY DE LA GRAND’BRETAGNE, à ses Sujets du Royaume d’Angleterre. , françaisRéférence RIM : M0_2394. Cote locale : C_6_4.

deffendre de l’oppression de quelque pouuoir vsurpé
b/> que ce soit. Et les peuples de cette Nation-là, par les mesmes
Loix, Nous doiuent & sont tenus de Nous rendre
reciproquement deuoir & obeïssance, comme à
leur legitime Seigneur & Souuerain. Ce droit Royal
Nostre, est fondé sur vn Tiltre si clair, il est estably
par de telles Loix fondamentales, confirmé par tant
de serments de fidelité en chaque siecle, il est soustenu
par vne si longue & continuelle succession dans nos
Royaux Predecesseurs, & par vne si constante sousmission
de tous les Peuples, qu’il ne nous sçauroit estre
en aucune façon disputé, ny aucun Acte de nos Predecesseurs
nous en demettre, ny aucun pouuoir sur terre
iustement nous en despoüiller ; Et de s’opposer à Nous
dans l’exercice ou repetition d’iceluy, c’est vne trahison
du plus haut degré par les Loix indisputables de cette
Nation-là. Et encore que les Autheurs sanglants du
meurtre de nostre Pere (par vne pernicieuse haine qu’ils
ont contre toutes les Monarchies) Nous ayent par
force autant qu’il leur a esté possible, despoüillé de
ce-dit droit Royal, Nous ayent banny & proscrit,
ayent saisi nosdits reuenus, defendu qu’on ait aucune
communication auec Nous, & qu’on Nous fit tenir aucune
subsistance, & ayent imposé par violence sur nostre
peuple d’Angleterre, vn nouueau joug de tyrannie
populaire ; non seulement à la ruine entiere de nos iustes
droits, mais encore de leurs loix & de leurs libertez.
Toutesfois nous ne Nous sçaurions persuader, que le
Corps de la nation Angloise ait si fort degeneré de leur
ancienne fidelité & vertu, que de consentir à ces horribles
procedez contre Nous, & d’approuuer la ruïne