Mazarinade n° A_6_2
Image de la page
Anonyme [1649], MOYENS FACILES ET NECESSAIRES pour la garde, seureté & Police de la Ville & Faux-bourgs de Paris: La leuée & subsistance de ses Troupes: Et ouuerture de ses passages tant par eaüe que par terre. , françaisRéférence RIM : M0_2516. Cote locale : A_6_2.
Bourgeois de Paris aux occasions, les Colonnels Capitaines Majors, Capitaines
Lieutenans Majors & autres Officiers chacun dans l’estenduë de
sa Compagnie, auec six des principaux & notables Bourgeois de la mesme
Compagnie, feront vne visite tres exacte tous les huict iours, ou du
moins de quinze en quinze iours dans les maisons de leurs quartiers, &
dans tous les lieux & endroits d’icelles, & feront leurs procez verbaux,
contenant les noms, l’âge, & l’employ des particuliers qui s’y trouueront,
& le temps qu’ils y sont, comme aussi les armes & prouisions de
guerre & de bouche qui y peuuent estre, & le bled & la farine qui seront
trouuez ausdites maisons en trop grande abondance, & au dela de ce qui
leur est necessaire pour subsister auec leurs familles pendant deux mois,
seront portez en vn ou plusieurs Magazins publics, distribuez & employez
aux necessitez publiques, sur le prix qui en sera fait, duquel les
particuliers seront rembourcez à concurrence du bled & de la farine
qu’on leur aura tres-iustement osté, ce qui sera tres exactement obserué
en toutes les maisons, & particulierement en celles des gens d’affaires, &
Partisans, & des autres personnes suspectes, dont partie se sont retirées
auec l’ennemy, & les armes & prouisions de guerre qui seront trouuées
aux maisons des Partisans & gens suspects, outre ce qui leur est necessaire
pour la garde, à quoy ils sont obligez, sera porté en vn Magazin public,
pour y estre conserué, ou pour s’en seruir aux occasions, apres que le tout
aura esté estimé.
Le mesme sera obserué tres exactement en toutes les maisons des
Monasteres & Communautez, & en celles des gens d’Eglise, afin que sous
pretexte de pieté, le grand nombre d’espions & de factieux soient esloignez,
& que la seureté publique se rencontre toute entiere.
La garde des portes, & autres lieux de cette Ville de Paris, sera doublée
durant quinze iours, & les Officiers en auront vn soing particulier
& tres-exact, sans permettre la sortie d’aucunes Armes, Cheuaux, Carosses,
Charettes, ny aucunes hardes, & les Moulins qui sont autour de
cette Ville de Paris, comme importans à la necessité publique, seront
gardez, & plusieurs sentinelles mises au delà desdits Moulins, afin que les
Corps de garde qui y seront puissent estre aduertis des entreprises que les
ennemis pourroient faire sur les Moulins, & par eux, les Corps de garde
des Faux-bourgs & de la Ville les plus prochains, qui auront ordre de les
ayder de certain nombre de Soldats, sans dégarnir leurs Corps de garde,
afin que les entreprises & violences des ennemis puissent estre plus facilement
repoussées & éludées.
Les Officiers & Soldats qui seront en garde, tant en la Ville qu’au
Faux-bourgs, obserueront ceux qui y entrent, s’informeront de leur qualité
& condition ; & du lieu où ils se retirent, se saisiront des armes qu’ils
Image de la page