[retour à un affichage normal]

Accueil > recherche > Affichage d'une occurrence en contexte

Mazarinade n° B_12_54

Image de la page

Anonyme [1652], GALIMATIAS BVRLESQVE SVR LA VIE DV CARDINAL MAZARIN. , françaisRéférence RIM : M0_1463. Cote locale : B_12_54.



Au sortir, dis-ie, de ce lieu,
Où chacun rendit grace à Dieu,
De sa fauorable assistance,
Au maintien des armes de France,
Deux Conseillers sont arrestez,
Et separément escartez :
Mais bien tost fallut lascher prise,
Car peuple ayant les armes prise,
Cardinal en chioit de peur,
Tant grande il voyoit la rumeur,
Et tant craignoit que sa furie,
Ne tombast sur sa fripperie,
Comme en effet bien luy seruit,
Car peu s’en falut qu’il ne vit,
Apres sa chienne de carcasse,
Cette mutine populace,
Qui le couroit comme vn chien fou,
Ou comme quelque loup garou.
 
 
Qu’il doit vne belle chandelle,
A qui luy porta la nouuelle,
Que le Peuple auoit r’engainé,
Et que Diable estoit r’enchainé,
Car Sicilienne Eminence,
N’estoit pas en petite transe,
Quand mulets viste l’on bastoit,
Pour son despart qu’il meditoit,
Quand cent cheuaux dans l’hipocome,
Vingt heures attendirent l’homme,
L’vn dit moins, & l’autre dit plus,
Different fort vain au surplus,
Mais qui se fut donné la peine,
Lors que l’hipocome estoit pleine,
De courir, en vain, n’eust couru,
S’il eust esté bien secouru.
Non pour voir s’ils estoient tel nombre,
N’y auoit pas si grand encombre,
Mais parce que tous sont d’accor
Qu’il eust trouué le nombre d’or,
Non pas ce nombre Methonique,
Que chaque an l’Almanach indique,
Non le nombre Methonien.
De ce Methon, l’Athenien,
Pour accorder le cours solaire,
Auecque l’Année lunaire,
Et ne passe iamais dix-neuf,
Ce nombre est vn nombre tout neuf,
Ce nombre, est vn nombre tout iuste,
Tout venerable, & tout Auguste,
Nombre qui porte vn Escusson,
De vraye & royale façon,
C’est vn nombre à la Mazarine,
François quand à son origine,
Composé du mien, & du tien,
Mis au Calandrier Iulien,
Vn nombre de grandeur enorme,
Mais voyons vn peu la reforme,
Q i’a porté nostre Cardinal,
Au calcul Chronological,
Peut faire qu’à quelqu’vn souuienne,
De la periode Iulienne
Qu’inuenta Ioseph Sc aliger,
Pour le iugement soulager,
En lisant dans les Chronologues,
Cosmographes, & Astrologues,
Mais l’vsage n’en vaut plus rien,
Quoy qu’vsage tousiours Iulien,
Depuis que nostre nouueau Iule,
Ses nombre sur nombre accumule,
Et fait seruir tout autrement,
Qu’il ne seruoit anciennement,
Car les doctes sçauent en somme,
Comme ce docte & sçauant homme,
Homme en son siecle nompareil,
Ioignant le Cycle du Soleil,
Auec le Cycle de la Lune,
Et puis l’indiction commune,
Ces trois nombres multipliez
Et solidement alliez,
Quiconque sçait l’Arismetique,
En entendra bien la pratique,
Et quiconque ne l’entendra,
En fasse ainsi comme il voudra,
De ces nombres vient vn solide,
I’entends desia quelque stupide,