[retour à un affichage normal]

Mazarinade n° B_11_23

Image de la page

Anonyme [1652], OBSERVATIONS VERITABLES ET DES-INTERESSEES, Sur vn escrit imprimé au Louure, INTITVLÉ LES SENTIMENS D’VN FIDELLE SVIET DV ROY, Contre l’Arrest du Parlement du 29. Decembre 1651. Par lesquelles l’authorité du Parlement, & la Iustice de son Arrest contre le Mazarin, est plainement deffenduë; & l’imposteur qui le condamne entierement refuté. Par vn bon Ecclesiastique tres-fidelle sujet du Roy. PREMIERE PARTIE. Qui iustificat impium, & qui condemnat iustum; abominabilis est vterque apud Deum; Prouerb. cap. 17. vers. 15. , français, latinRéférence RIM : M0_2574. Cote locale : B_11_23.

vous flattez si laschement ? Vous sçauez mieux que personne
par quels artifices on a diuerti les tesmoins, & que si le Cardinal
Mazarin n’estoit point appuyé de toute la puissance de la
Cour, que tous les Officiers du Roy & de la Reine ont souuent
protesté qu’ils estoient prests de rendre leurs depositions contre
luy. Les liures de Cantarini son banquier contiennent des
sommes immenses que ce Corsaire a volez à la France.
 
Vous demandez encore, deuant quel Iuge tant de tesmoins
ont fait serment de ne point blesser la verité ? c’est deuant Dieu
le Iuge des Iuges, & deuant tout autant de Magistrats & d’Officiers
qu’il y en a dans le Royaume, estant impossible de se parjurer
dans vne accusation publique & generale ; puisque pas vn
de tous ceux qui deposent ne peuuent blesser vne verité confessée
de tout le monde, à moins qu’ils ne soient suspects & interessez
comme vous, & qu’ils osent soustenir comme vous faites,
que le Mazarin n’est point coupable, & que les François
luy sont bien obligez de ruiner l’Estat, de violer la Iustice,
d’empescher le commerce, de fomenter la guerre, d’establir le
brigandage, de mettre tout au pillage, de reduire les plus riches
à l’aumosne, & de faire regner la violence & la tyrannie
par tout.
Pour vn troisiesme grief, vous demandez si on les a confrontez
comme il s’obserue ? Apres que vous sçauez mieux que
personne que vostre client ne veut voir ny parler qu’à ceux qui
le flattent comme vous ; qu’il tient pour ennemis & reproche
tous ceux qui se plaignent de luy, qui est toute la France en general ;
Qu’il ne veut & n’oseroit comparoistre dans le Tribunal
où il est assigné pour obseruer cette formalité, & les autres que
vous desirez ; outre que pour trouuer vn tesmoin qui ne luy
soit point suspect, il faudroit en faire venir d’vn pais où il n’est
point connû, qui feroit encore vne autre cause de recusation
fauorable pour luy, puisque ceux qui ne connoissent point l’accusé
ne font pas plus de foy que ceux qui le connoissent trop
& qui sont soupçonnez de haine ou d’amour, pour ou contre
luy : Si bien que si ceux qui le connoissent auec les maux qu’il
fait, se rendent recusables pour se plaindre de luy, & si ceux
qui ne le connoissent point n’en peuuent parler legitimement,
ny de poser iuridiquement, où trouuera-t’on des tesmoins valables