[retour à un affichage normal]

Mazarinade n° B_11_23

Image de la page

Anonyme [1652], OBSERVATIONS VERITABLES ET DES-INTERESSEES, Sur vn escrit imprimé au Louure, INTITVLÉ LES SENTIMENS D’VN FIDELLE SVIET DV ROY, Contre l’Arrest du Parlement du 29. Decembre 1651. Par lesquelles l’authorité du Parlement, & la Iustice de son Arrest contre le Mazarin, est plainement deffenduë; & l’imposteur qui le condamne entierement refuté. Par vn bon Ecclesiastique tres-fidelle sujet du Roy. PREMIERE PARTIE. Qui iustificat impium, & qui condemnat iustum; abominabilis est vterque apud Deum; Prouerb. cap. 17. vers. 15. , français, latinRéférence RIM : M0_2574. Cote locale : B_11_23.

Apres ces maximes approuuées & ces exemples veritables,
ne vous estonnez plus si les peuples ont iuste suiet de demander
l’esloignement du Mazarin, & si les Princes & les Parlemens
soustiennent que le Roy ne peut pas leur refuser cette grace,
puisque c’est l’vnique remede qui doit appaiser les maux, &
les malheurs infinis de cet Estat. Et s’il est vray qu’vn Roy iuste
ne doit iamais aimer ceux qui sont remplis de vices, & chargez
de crimes, l’innocence & la vertu de nostre ieune Prince ne se
laissera pas soüiller dauantage tres-assurément par la presence
du plus abominable de tous les hommes, suiuant en cela le precepte
qu’Aristote donnoit à son Alexandre, de n’affectionner
& ne souffrir aupres de soy que ceux qui pourroient luy causer
de l’honneur, & procurer du soulagement à ses peuples.
Tous les Politiques sans passion sont d’accord que le Souuerain
doit plus à ses suiets qu’à ses propres enfans, parce que la
nature seule l’vnit à ceux-cy, & la Iustice à ceux-là : il n’est pere
que par hazard, mais Souuerain par choix & par bon-heur.
Quand il n’engendreroit que des idiots & des stupides, il ne
laisseroit pas d’estre pere comme les autres, au lieu qu’il n’est
plus Roy quand il ne gouuerne que des esclaues & des malheureux.
Le sang qui se communique fait le fondement de la
paternité, & la prosperité de l’Estat sert de base à l’Empire. Le
Prince est le pere commun de toute la Republique, ce qui l’oblige
à son amour : Il en est le fils aussi puis qu’il en reçoit la
qualité de Souuerain, c’est pourquoy il ne peut luy refuser sa
pieté, ny le soulagement qu’il luy doit, s’il ne veut auoir plus
d’ennemis, que de sujets, & d’vn Royaume libre & fleurissant,
en faire vn de serfs & de desesperez qui ne l’aimeront plus.
Plures hostes,
quam
ciues, vobis
remauebũt.
Tertull. in
Apol. Si le Parlement a tort de surseoir la Declaration
qui est contre M. le Prince, & de presser l’execution
de celle qui est contre le Card. Mazarin.
L’Autheur des Sentimens que nous examinons s’estonne,
& rend le Parlement criminel, en la page 24. & 25. de
son escrit, parce que ce grand Senat veut que la Declaration