[retour à un affichage normal]

Mazarinade n° B_19_2

Image de la page

Anonyme [1651], PANEGYRIQVE DV ROY TRES-CHRESTIEN LOVYS XIV. DIEV-DONNÉ, SVR SA MAIORITÉ. OV SONT LES TRES-HVMBLES supplications faites à sa Majesté, de vouloir conseruer Monsieur le Prince dans l’honneur de ses bonnes graces. , françaisRéférence RIM : M0_2663. Cote locale : B_19_2.

C’est pour cela, SIRE, que leur ostant toute apparance
de seureté à mesure qu’ils redoubloient le
desir de bien faire, elle les a voulu, mais vainement,
reduire plusieurs fois à la necessité de faire
mal. S’ils se sont tesmoignés si soigneux de la conseruation
d’eux-mesmes, elle a malicieusement interpreté
cét amour que nous auons si propre,
pour vne crainte qu’ils ont de deuenir innocens,
& de se mettre à la mercy des Loix qu’ils ont offensez,
ne croyant pas de pouuoir iustifier leurs
fautes que par la continuation & n’y ayant pas apparence
que vostre Majesté se d’eust contenter de
leur repentance.
C’est iustement, SIRE, pour appuyer cette opinion
qu’elle a tousiours eu de leur tyrannie, puisque
par toute sorte de Politique on croit que le
danger n’est pas moindre à s’en d’effaire qu’à s’en
aisir, & que de s’en retourner de ces penseez, le precipice
est trop haut pour en trouuer l’yssuё : elle se
transporte si fort dans le cours de ses passions impetueuses,
qu’il n’y a aucun bel endroit dans leur
reputation qu’elle ne tasche d’infecter de son
haleine.
On a fait entendre à vostre Majesté, que Monsieur
le Prince conserueroit tousiours vn Esprit
armé au milieu du repos ; qu’on pouuoit bien
luy oster ses forces : mais iamais son venin ; qu’il
n’auoir garde de corriger ses fautes, que tout ce
qu’il pouuoit faire, c’estoit de les changer : que ce