[retour à un affichage normal]

Mazarinade n° B_13_70

Image de la page

Anonyme [1652], PLEVRS ET REGRETS INCONSOLABLES DE LA REYNE ET DV CARDINAL MAZARIN. Auec le congé du Roy, donné audit Cardinal, pour sa sortie hors du Royaume. , françaisRéférence RIM : M0_2801. Cote locale : B_13_70.

vous, ne pouuant demeurer en vn lieu ou ie suis si peu
souhaitte. Car ie voy bien, que le Roy ne souhaitte autre
chose, sinon que ie sois en chemin de partir, mais ie
vous supplie de luy dire en particulier, si ie n’en ay la
commodité, qu’au moins il se souuieune de moy & que
ie ne souhaitte autre chose que de luy obeïr en ce qu’il
treuuera bon que ie luy puisse rendre seruice hors de
ce Royaume.
 
La Reine. Adieu, Monsieur adieu, & croyez tant que
ie viuray j’auray memoire de vous.
Lors le Roy estant en peine de trouuer le Ca dinal Mazarin
pour luy dire ce qui estoit besoin pour le salut de fin
Estat & de sa personne fut bien estonné de le voir proche de
luy, mais estant retenu de cet estonnement il luy dit. Monsieur,
vous sçauez peut estre bien le suiet qui m’ameine
icy, veu que ce n’est qu’à vostre consideration, & lors
le Cardinal luy repartit, si c’est pour le mesme suiet
que la Reine me vient de dire, ie le sçay bien.
Le Roy Si elle vous a dit, que i’ay promis de vous
esloigner hors du Royaume, ce n’est que pour cela que
ie vous cherche.
La Cardinal. Ouy, Sire, & ie n’eusse iamais crû que
vous eussiez permis mon esloignement apres m’auoir
fait reuenir du lieu où i’estois.
Le Roy. Monsieur, ie n’ay que ces mots à vous dire,
lesquels vous [1 mot ill.] bon s’il vous plaist, qui sont.
Que lors de ma Majorité ie donné ma Declaration en
Parlement, que vostre esloignement estoit sans esperance
de retour, & vous sçauez que les [1 mot ill.] Royales
sont inuiolables toutesfois ie n’ay pas delaissé de vous
faire reuenir sous l’esperance que i’auois de vous maintenir
mais ie voy quand le voulant faire ie mets en
combustion tout le Royaume, & que le voila sur le
penchant de sa ruine, si ie n’y donne vn prompt remede,
& qui plus est, vous sçauez que Dieu ne m’a pas fait