[retour à un affichage normal]

Mazarinade n° C_6_64

Image de la page

Anonyme [1649], PREDICTION MERVEILLEVSE, En laquelle est prognostiquée la fin de nos maux. Trouuée dans les ruines d’vne Maison renuersée par l’inondation des eauës. , françaisRéférence RIM : M0_2844. Cote locale : C_6_64.

amas de Monstres plustost que d’hommes de plusieurs
nations estrangeres, qui ne cherchoient que
la ruine de nostre chere patrie : Et nous voyons
tout soudain que par vn coup du Ciel inopiné, vn
rayon de lumiere vient éclairer nos tenebres & dissiper
nos craintes & nos apprehensions. Les eauës
se sont retirées dedans leur lict ordinaire, aprés
nous auoir fait plus de peur, qu’elles ne nous ont,
graces à Dieu, causé de dommage. Le plus grand
qui ait paru, s’est rencontré à la Chaussée, à vne
lieuë de Sainct Germain en Laye ; & c’est en ce mesme
lieu, où dans les ruines d’vn edifice, qui fut renuersé
de fonds en comble ; & comme pour nous
consoler de cette perte, on a trouué vne petite boëte,
de largeur de neuf poulces, ou enuiron en quarré,
assez mal composée, & aussi peu polie, qui enfermoit
deux petites placques de cuiure, où estoient
grauez quatre Quatrains en lettre antique. Comme
ces vers predisoient les calamitez qui nous
sont suruenuës ; aussi nous en promettoient-ils vne
fin auantageuse ; suiuant l’explication qu’en a fait
vn Personage sçauant, & vn arbitre & interprete
irreprochable. Le premier quatrain estoit conceu
en ces termes.
 
 
Quiconque est refractaire aux Lois,
Il faut qu’il fasse renitence ;
Mais ceux qui enluent les Rois,
Meurent dans la peine & souffrance.
 
L’explication de ce Quatrain est si facile, qu’il