[retour à un affichage normal]

Accueil > recherche > Affichage d'une occurrence en contexte

Mazarinade n° C_5_36

Image de la page

Anonyme [1649], HARANGVE AV ROY POVR LA PAIX. PAR VN ECCLESIASTIQVE. , français, latinRéférence RIM : M0_1541. Cote locale : C_5_36.


Createur, descendez & visités les cœurs que vous auez crées,
& les remplissés de vostre grace, accomplisses les bons desirs
de nostre Roy & sa Mere, la Reine Regente, l’honneur des
Rois du monde, accomplissez les bons desirs de tous les
François, qui vous en prient les larmes aux yeux, & les cœurs
naurées, cela ce peut faire en vn clin d’œil, par vostre saincte
& secrette inspiration, & qui est ce desir, Dieu vous le sauues.
Viuat Rex, Viue le Roy, Domine saluum fac Regem, & exaudi
nos in die, qua inuocauerimus te : En vous aussi tres-majestueuse
Reine, les Altesses Royales, tous les Princes, qu’il plaise
donc à vos Majestés entendre benignement N. que i’auois à
dire, ne prenés, s’il vous plaist, garde à l’exiguité de ma
personne, qui est trop incapable & indigne de le faire, auec
la rudesse de mon langage, puisque laboutissement & conclusion
de mes paroles, ne tend qu’à ce mot, Viuat Rex.
 
Excusatio.
En cette confiance de la grace de Dieu & de nostre bienveillance,
parce que la matiere de laquelle ie dois traicter
espere vostre faueur, & la fille du Roy pour laquelle ie dois
parler, doit estre entenduë auec ses larmes : Grand Roy, vous
ne la tiendrez, s’il vous plaist, suspecte. Ie passeray outre :
mais auparauant ie rendray graces auec mes tres-humbles
supplications, les premieres à Dieu mon souuerain, à Nostre-Dame,
à sainct Denis, patron de la France, sainct Remy vn
de ses tutelaires.
Agit gratias.
Et à toutes les celestes Hierarchies : Et à vous (grand Roy
venu par miracle) que tous ses motifs soient dressées pour vos
augustes Parlemens, lesquels vous monstrent leurs intentions,
auec vn cœur sans dissimulation, la langue desquels la
vraye intention de vos pauures Sujets. Vos Parlemens sont
assemblés pour vostre bien, & pour l’authorité de vostre
Royaume, qu’ils doiuent deffendre dans vostre âge, pour
cela au moindre de vos commandemens : Ils s’assemblent
d’vn commun accord, confirmé par serment & par lettres,
pourquoy & à quel but ? pour entendre à la bonne ordonnance
conseruation du Roy & de son Royaume. C’est tousiours
commencé, pour accomplir ce que le fils du Roy supplie.
Viuat Rex, Viue le Roy.