[retour à un affichage normal]

Mazarinade n° C_6_79

Image de la page

Anonyme [1649], QVESTION CARDINALE, PLAISAMMENT AGITÉE OV DASTHICOTÉE ENTRE VN HOLANDOIS ET VN SVISSE, ET DECIDÉE PAR VN FRANÇOIS. , français, patoisRéférence RIM : M0_2948. Cote locale : C_6_79.

L’holandois.
Moy-dit que nonne Man-seur, ie scàure bienne qui noze point par mon
foye, & qu’on ne le voudre point souffre dans Peris, pource que la touchou
le Monpoleur à son suitte, qui aure ruine tout el France, & quil àure
esté condené par le Parlimane de Peris, par le Parlimaue de Rouan & de
Bretaigne, & de Prouennece, qui voudre poin faire de pardon à luy : Vous
iuge Man-seur si ie naure pas vn pu bon raison quel camerade Souisse.
L’autheur.
Or sus donc puisque vous vous en rapportez à moy, demeurerez vous
d’accord de mon iugement.
Le Suisse.
Oy Monsou party fou prafe, homme fou tonne le pistolle al moye.
L’holandois.
Lasse dire à Man-seur camerade, il a vn bon iumant, il voye bienne quil
àure raison de vou & de moye.
L’autheur.

DECISION.
Bien que cette question soit tres-embarassee, & que selon les premiers
articlès de la Paix, Monsieur le Suisse auroit gaigné la gageure ; comme ils
ont toutefois esté reuoquez, & que le Parlement, nos Generaux, & generalement
toute la Ville de Paris, n’en ont point voulu demeurer d’accord,
l’apparence & la raison donne gain de cause à Monsieur l’Holandois ; mais
comme on ne peut rien asseurer que nos Deputez ne soient de retour, ie
vous conseille à tous deux, en attendant de ne laisser point moisir cet argent,
& de faire bonne chere sur & tant-moins de la gageure : que si comme
ie croy le Cardinal ne reuenant point, il se trouue que Monsieur le
Suisse ayt perdu la pistolle, il n’y a pas vn François qui ne le recompense
de bon cœur de cette perte, à raison qu’ils auront en perdant Mazarin, fait
le plus grand gain & acquis le plus grand bon heur qu’ils sçauroient esperer.
Ce iugement les renuoya tous deux si satisfaits, qu’ils penserent deschirer
mon manteau pour m’entraisner au cabaret, ie m’en excusay toutefois.
le mieux qu’il me fut possible, ne pouuant me tenir de rire des plaisans,
complimens, qu’ils faisoient pour m’inuiter à cette desbauche.

FIN.