[retour à un affichage normal]

Mazarinade n° B_19_17

Image de la page

Anonyme [1652], HARANGVE DE LA VILLE DE PARIS A MONSIEVR DE BROVSSEL, CONSEILLER DV ROY, Sous-Doyen de la grand’Chambre, & Preuost des Marchands de Paris. , françaisRéférence RIM : M0_1548. Cote locale : B_19_17.

& vos diuertissement ne sont autres que l’exercice de vostre
charge, & la pratique de toutes sortes de bonnes œuures. On dit
de vous ce que les Grecs disoient de Pericles, que parmy tant
d’employs & tant d’affaires importantes, il n’augmenta iamais
d’vne seule dragme les biens que son pere luy auoit laissez : Ce
noble reproche vous a esté fait en plein Senat, & celuy qui vous
en accusa comme d’vne iniure conforme à la corruption du
temps, a esté condamné des gens de bien, & son imprudence a
découuert vostre integrité en pensant la blasmer & luy donner
atteinte.
 
Tous vos cliens confessent qu’au lieu de prendre de l’argent
pour faire l’iniustice, vous refusez celuy qui vous appartient
pour vos vocations ; & les pauures publient par tout, que bien
esloigné de receuoir les droicts & les espices qu’ils vous doiuent,
vous leur en donnez du vostre propre pour leuer les Iugement
& les Arrests fauorables qu’ils ont obtenu de vostre
equité & de vostre protection, ie le scais, & ie l’ay veu apres
beaucoup de tesmoins irreprochables. Vous auez cest auantage
encore, auec quantité d’autres par dessus tous les Iuges, que
s’il y en à qui facent la iustice comme ils doiuent, la plus part
sont si rudes & de si difficile abord aux parties, qu’ils leur
ostent la hardiesse de les approcher, & de leur faire entendre le
fond & le merite de leurs affaires ; ou vous les accueillez en tout
temps & à toutes heures auec tant de douceur & tant d’humanité,
qu’on peut dire de vous ce qu’vn grand President de vostre
Parlement asseure du Chancelier Hurault, qui estoit si affable
& si facile que personne ne l’aborda iamais qu’il n’en soit retourné
content & satisfait : Et auec le saint Iob, que quand vous
parlez, vous consolez la vefue desolée, vous estes l’œil des parties
aueugles en leurs causes, & le pied des boiteux, c’est à dire
le support & le protecteur des foibles & des oppressez : Que
vous brisez les machoires des meschans, & leur arrachez leur
proye ; à quoy i’adiouste auec ce mesme miroir de patience, que
la iustice est comme vn vestement colé sur vostre corps, que
c’est l’entretien de vostre ame, & que vous ne cherchez autre
gloire que celle d’vn Iuge equitable.
Vous n’auez iamais fait attendre aucun de ceux qui vous