[retour à un affichage normal]

Accueil > recherche > Affichage d'une occurrence en contexte

Mazarinade n° C_6_77

Image de la page

Anonyme [1649], QVESTION, S’IL Y DOIT AVOIR VN PREMIER MINISTRE DANS LE CONSEIL DV ROY. RAISON D’ESTAT ET POLITIQVE TRES-IMPORTANTE A DECIDER, pour le bien du Souuerain, & pour le Repos de la Patrie. , françaisRéférence RIM : M0_2950. Cote locale : C_6_77.



Cinna, autrement Lucius Cornelius, ne fut pas si
tost comblé de biens & de gloire par Cesar Auguste,
à qui mesme ce grand Prince auoit sauué la vie, qu’il
conspira contre luy, tant il estoit possedé d’vne ambition,
qui n’en eut iamais de pareille.
Antoine, Lepidus, & Auguste mesme, ne mitent-ils
pas le fer & le feu dans le sein d’vn Estat à [1 mot ill.]
auoient des obligations eternelles ?
Les Histoires Sainctes, curieuses & prophanes ne
nous fournissent que trop d’exemples de cette nature.
Quoy que les Princes soient doüez d’vn merueilleux
iugement, & d’vne admirable conduite, & que
Dieu soit tousiours prest de les assister en la parfaite
élection d’vn excellent Ministre d’Estat, ils ne laissent
pourtant pas d’agir vainement en la recherche qu’ils
en font, & mesme d’estre deceus, aux choix qu’ils
en sçauroient faire.
La nature de l’homme fut si peruertie (comme nous
auons desia dit) en sa premiere coulpe, que ses sens
n’ont iamais fait du depuis, que se reuolter contre
luy, & luy susciter par des obiects deceuans, vne
estrange confusion d’images mal conceuës. Le desir
insatiable de la personne, est vne passion si extreme,
qu’il n’est pas vne ame si bien reglée qui luy puisse
resister, & qu’elle ne rende aussi irraisonnable qu’infidele.
Enfin, pour se trouuer digne d’vne charge si
eminente, il faudroit auoir des qualitez que les hommes
n’ont pas, & qui se trouuent rarement parmy les
Anachoretes.
S’il se trouuoit vn Prince qui n’eust que des inclinations
moderées, & des liberalitez tres equitables
pour le Fauory ; & que le Fauory fust sans orgueil,
sans ambition, & sans flaterie : Qu’il ne voulut iamais
flestrir sa reputation par aucun acte d’infidelité,
qui eut vne connoissance parfaite des affaires, qui fût