[retour à un affichage normal]

Mazarinade n° B_5_12

Image de la page

Anonyme [1652], RECIT DE TOVT CE QVI s’est passé en Parlement le Samedy xxviij. Septembre. 1652. En presence de son Alt. Royale. OV EST CONTENV L’EMPRISONNEMENT de plusieurs personnes trouuées la nuict du Vendredy au Samedy dernier, semans des Placards par les ruës tendant à Sedition. AVEC L’ARREST DE LA COVR rendu contre lesdits prisonniers, toutes les Chambres assemblées: Et autres belles Particularitez. , françaisRéférence RIM : M0_2991. Cote locale : B_5_12.

le sieur Bechefer Substitud de Monsieur le Procureur
General en ses conclusions, il a esté arresté,
Que ledit Mouchy auec les autres seroient
conduits en la Conciergerie du Palais,
pour leur procez estre faict & parfait. Et pour
cét effet Messieurs le Nain & Seuin Conseillers
en la Grande Chambre ont esté commis, & lesquels
dés l’instant retirez, & descendus en la
Conciergerie, lesdits prisonniers ont esté par
eux ouys & interrogez sur chacun quinze articles
qu’ils ont tous dénié, qui fait que l’on a ordonné
la question leur deuoir estre dõnée pour
auoir reuelation, & leur faire declarer quels
sont les personnes, sçauoir, Mouchy qui l’a porté
à faire la distribution desdites pieces de trente
quatre sols, & qui les luy a fournies, & les
autres, qui les a induits à semer des libelles tendant
à sedition & esmotion publique.
 
Apres le tout ainsi passé, la Cour a entretenu
son Altesse Royale de ce qui s’estoit passé
à l’assemblée du Palais Royal, en laquelle vn
Ecclesiastique duquel ils ne sçauoient le Nom
estoit entré dans la Chaire qui est dans la grande
salle dudit Palais, où apres auoir fait vn Recit
à tous ceux ceux qui estoient à lad. Assemblée :
il leur auroit fait voir vne Lettre de Cachet,
signé Lovis. Et plus bas le TELLIER,
du 17. Septembre escrite à Compiegne, par laquelle