[retour à un affichage normal]

Mazarinade n° B_5_12

Image de la page

Anonyme [1652], RECIT DE TOVT CE QVI s’est passé en Parlement le Samedy xxviij. Septembre. 1652. En presence de son Alt. Royale. OV EST CONTENV L’EMPRISONNEMENT de plusieurs personnes trouuées la nuict du Vendredy au Samedy dernier, semans des Placards par les ruës tendant à Sedition. AVEC L’ARREST DE LA COVR rendu contre lesdits prisonniers, toutes les Chambres assemblées: Et autres belles Particularitez. , françaisRéférence RIM : M0_2991. Cote locale : B_5_12.

ledit Seigneur Roy dõnoit tout pouuoir
aux Bons Bourgeois & Habitans de sa Ville de
Paris, bien intentionnez de faire toutes Assemblées
pour son seruice où bon leur sembleroit.
Apres laquelle lecture ils auroient fait & nõmé
quatre d’entre eux pour Greffiers : Le premier
est, le nommé, Carteron, Banquier du Cardinal
de Rets, & le second Briais, le troisiesme Artizier,
le quatriesme l’on n’auroit encores peü
apprendre son nom, lesquels des l’instant de
leur nominatiõ auroiẽt presenté a chacune personne
estant à l’assemblée, vn gros Liure pour
les faire signer comme ils estoient fidels seruiteurs
du Roy, plusieurs auroient signé & autres
non.
 
Qu’ils auoient dressé vn projet de leur assemblée
& iceluy enuoyé an Roy, qu’il estoit necessaire
de remedier à telles entreprises, ainsi cõme
l’on a fait aux autres qui en ont voulu faire de
semblables à l’Hostel de Ville, d’autant que c’estoit
donner liberté à vn seruiteur qui s’auroit
son Maistre auoir de l’argent, de luy obiecter
qu’il n’estoit vray seruiteur de son Roy,
& par ainsi l’égorger & luy oster la vie, & cela
passeroit indifferemment enuers toutes personnes,
le tout à dessein de gaigner & profiter sous,
vn pretexte faux & dissimulé. La Cour, à cause
que les Chambres n’estoient assemblées, &