[retour à un affichage normal]

Accueil > recherche > Affichage d'une occurrence en contexte

Mazarinade n° C_9_8

Image de la page

Anonyme [1649], RECIT VERITABLE DE L’ATTENTAT FAIT SVR LE PRECIEVX CORPS de Nostre Seigneur Iesus-Christ entre les mains du Prestre, disant la Messe le lendemain de la Pentecoste 24e May de cette presente année 1649. commis en l’Eglise du village de Sanois, à vne petite demy-lieuë d’Argenteüil par vn grand Laquais, âgé de 26 à 27 ans. , françaisRéférence RIM : M0_3014. Cote locale : C_9_8.


l’Autel estoit le Roy des Rois, & par tel attentat il le<lb/> tentoit à ce qu’il ce fit paroistre.
 
Ce qui a frappé d’vn second estonnement ceux qui
ont connu ledit Laquais. est qu’ils l’auoient tousiours
cy-deuant reconnu pour bon & deuot Catholique
en apparence, & l’auoient veu frequenter la
sainte Communion & regulierement les premiers Dimanches
des mois.
Les plus iudicieux qui enfonces toutes les considerations
qui peuuent eschoir sur ce sujet auec le dioptra
de la raison & perspicacité de leur iugement auoüent
qu’il faudroit auoir fait vœu d’ignorance pour ne connoistre
cette verité, que la raison fait euidemment iuger
aux capables, qu’il n’y a pas de plus notable
folie au monde que de ramener les choses de la foy à
la mesure de nostre capacité.
Puis que ce sont des abismes que nos esprits ne
sçauroient sonder, mais demeurent si fort estonnez
des l’entrée qu’ils chancellent & s’esgarent ainsi que
les yeux de ceux qui sont sur le bord d’vn precipice ou
abisme effroyable ; Dont nous deuõs estimer le presomptueux
qui croira penetrer ces hauts mysteres estre enueloppé
dans vne ignorance inuincible, plustost qu’esclairé
du flambeau d’vne deuë connoissance, puis qu’il
croit reduire cette infinie grandeur à sa petite portée.
Que si quelqu’vn apres auoir admiré la Toute puissance
de l’autheur des choses admirables sans des rayons
esclatter dessus ses esprits pour y penetrer plus auant
que le commun, il faut croire que cét vn pur effet de la