[retour à un affichage normal]

Mazarinade n° C_5_48

Image de la page

Anonyme [1649], HARANGVE DV DEPVTÉ DE LA VILLE DE LION, A NOSSEIGNEVRS DE PARLEMENT, ET A MONSIEVR LE PREVOST DES Marchands, & Escheuins de la ville de Paris. , françaisRéférence RIM : M0_1559. Cote locale : C_5_48.

fidelité ont procuré à la France, laquelle vous
doit à bon tiltre recognoistre pour ses peres &
pour ses Anges tutelaires, vous la deliurez par vos
soings & vos trauaux d’entre les mains de ce Pharaon
qui la vouloit tenir en seruitude, ou plustost
de ce Phaeton, qui sans doute par sa mauuaise conduite,
auroit renuersé le bel ordre de cét Empire
pour le mettre dans vn cahos, & dans vne confusion
estrange, tous les bons François vous doiuent
dresser des Autels, & grauer vos illustres noms
dans vos cœurs comme dans des Temples consacrées
à vostre memoire, vostre genereuse entreprise
seruira de paradoxe à nos nepueux, qui ayant
apris par l’oracle de la verité des arcs triomphants
à vostre gloire, attandans l’accomplissement de
vos desseins, nous dressons mille vœux au Ciel
pour vostre prosperité de laquelle despend la
gloire & le bon-heur de la France, qui sans vostre
prompt secours estoit sur le point d’entrer en esclauage,
& de seruir de diuertissement à vn Basteleur
Italien, qui n’a que trop long-temps joüy de
ses delices, mais sero sapiunt phryges, en effect, il
vaut mieux tard que iamais ; D’auantage il n’est
pas trop tard, puisque il y encore assez de temps
pour remedier à nos malheurs ; Et la France n’est
pas encore si affligée, qu’elle ne soit capable de
donner plustost de l’enuie, que de la compassion,