[retour à un affichage normal]

Accueil > recherche > Affichage d'une occurrence en contexte

Mazarinade n° B_15_45

Image de la page

Anonyme [1652], RELATION VERITABLE DE CE QVI S’EST PASSÉ A PONTOISE En la Reception des six Corps des Marchands. Ensemble leurs Harangues, & ce qui leur a esté respondu par le Roy & la Reyne. , françaisRéférence RIM : M0_3218. Cote locale : B_15_45.



Le Lundy 30. sur les sept heures du matin, ces
Messieurs en Corps furent trouuer Monsieur
le Lieutenant Ciuil dans son logis au Conuent
des PP Cordeliers, & la le prierent de les vouloir
presenter à leurs Majestés surquoy apres s’estre
excusé sur ce que Monsieur le Preuost des Marchans
le Feure estoit à Pontoise & que c’estoit
son fait acause que cette Deputation n’estoit
composee que de Marchans, il ne laissa neantmoins
d’en accepter la charge, sur ce qui luy fust
representé, qu’il estoit leur Iuge naturel, & qu’ils
ne connoissoient Monsieur le Preuost des Marchãds
qu’en certaines choses, & que sa Iurisdiction
ne s’este ndoit pas sur tout comme celle de Lieutenant
Ciuil qui estoit le veritable Iuge de la Police.
Il n’estoit plus question que de la Ceremonie,
pour quoy faire quatre des Principaux furent
prier Monsieur de Saintot pour accompagner
Monsieur le Lieutenant Ciuil, ce qu’il fit & des
Cordeliers tous furent en Corps faire leurs visites.
Ils commencerent par celle de Monsieur le
Sut-Intendant des Finances qui les receut fort
bien, & apres auoir ouy le sieur Patin il respondit,
que toute la disposition de la Cour estoit de
donner à la Compagnie ce qu’elle desiroit, que