[retour à un affichage normal]

Mazarinade n° B_20_43

Image de la page

Anonyme [1652], REMEDE AVX MAL-HEVRS DE L’ESTAT AV SVIET DE LA QVESTION. SI LA VOIX DV PEVPLE est la voix de Dieu. , françaisRéférence RIM : M0_3270. Cote locale : B_20_43.

peuples, dont on a veu la consequence sous les Rois
successeurs de Henry 2. il est encore plus dangereux
que l’Estat soit administré par des Ministres, qui se
peuuent rendre successifs, d’autant que peu à peu ils
se rendent necessaires pour tout faire, & rendent leurs
maistres incapable de rien faire, & ainsi faineans, &
indignes de leur Couronne ; comme l’experience
nous a fait voir au changement de race en la succession
de nos Rois.
 
C’est pourquoy Hugues Capet fut tres sage, de
supprimer la dignité de Maire du Palais, qui faisoit
tout, & disposoit de tout, & qui en fin de Maire deuenoit
Roy. Ainsi en peut-il estre de la succession,
des Cardinaux, qui appuyez de leur premier Maistre,
& secondez de ses arboutans & caballes estrangeres,
peuuent bouleuerser l’Estat, & le rendre suiect à la
Cour de Rome. Succession tant plus mal-heureuse
& dangereuse ; que sous ombre de pieté, elle est de
personnes d’vne contraire condition & vacation.
Si le ciel & la terre, si le temporel & le spirituel sont
incompatibles, comme doiuent croire tous vrais chrestiens
& Catholiques. Autrement, si on confond les
deux puissances, le Prince Souuerain se pourra faire le
Souuerain Pontife de son Estat.
C’est merueille que les Princes, non seulement
temporel, mais aussi spirituels se laissent si facilement
tromper par des flateurs & mensongers. Ie
n’estime point qu’on ait iamais fait plus grande bresche
à l’authorité & respect deubs au Souuerain Pontif,
que de luy attribuer droict sur le temporel des