[retour à un affichage normal]

Accueil > recherche > Affichage d'une occurrence en contexte

Mazarinade n° C_9_38

Image de la page

Anonyme [1649], REMERCIMENT DES PARISIENS A MADEMOISELLE POVR LEVR AVOIR PROCVRÉ LA PAIX. , françaisRéférence RIM : M0_3282. Cote locale : C_9_38.


du courage de cette Illustre race dont vous
estes sortie, & sur tout de ce grand Conquerant
vostre ayeul Henry le Grand, de ce glorieux &
illustre Monarque Louys le Iuste d’heureuse
memoire vostre tres-honoré Oncle, & de cét
Auguste & Magnanime Prince Monseigneur le
Duc d’Orleans, vostre tres-honoré Pere, ouy
incomparable Princesse, vous heritez de leur
vertu & de leur courage, & ie doute ausquels il
y a le plus de gloire, ou à eux de vous voir issus
de leur sang, ou à vous d’en estre issuë. Ce leur
doit estre vne tres-grande satisfaction, & sur
tout à Monseigneur vostre Pere de vous auoir
mise au monde, mais vous deuez aussi estre
tres-satisfaite d’estre sortie d’vn si grand Prince
& d’vne si glorieuse race. Le Roy n’a iamais eu
vne parenté si affectionnée, quoy que tous ceux
qui luy appartiennent y soient obligez, puisque
vostre Altesse a tousiours faict voir à tout le
monde qu’elle n’aimoit que l’interest du Roy,
& l’accroissement de la conseruation de tout
son Royaume.
 
Oserois-ie parler en tout respect de vostre
rauissante beauté, MADEMOISELLE, il me
suffit de l’admirer, & de dire que vous estes la
plus merueilleuse image de Dieu comme son