[retour à un affichage normal]

Mazarinade n° B_6_28

Image de la page

Anonyme [1651], REMERCIMENT FAIT AV ROY PAR MADAME LA PRINCESSE, SVR LA DELIVRANCE DE MESSIEVRS les Princes. , françaisRéférence RIM : M0_3284. Cote locale : B_6_28.

vns disoient qu’ils s’estoient grandement oubliez, &
que Monsieur le Prince ne cherchoit que les moyens
d’afoiblir l’authorité Royale, par le nombre infiny
des biens faits qu’il tachoit d’auoir de vostre Maiesté !
Quelques autres disoient que c’estoit parce qu’il parloit
trop hautement, & qu’il menaçoit de mal-traiter
quantité de personnes tres releuées. D’autres disoient
que c’estoit vn coup du Ciel. Et ceux qui penetroient
plus auant dans la verité des choses, disoient que c’estoit
parce qu’il s’estoit rendu redoutable au Cardinal
Mazarin, & qu’il l’empeschoit de gouuerner les
affaires à sa mode. En vn mot, chacun en parloit selon
sa passion, & selon la portée de sa suffisance, sans cõsiderer
que vostre Maiesté n’est pas moins Souueraine
dans ses Estats, que l’intelligence dont parle Auincene,
dans le lieu où elle reside : puis qu’elle ne doit iamais
rendre compte de ses actiõs qu’à la premiere qui
la establie : & sans sçauoit aussi que ce qui a esté vne
fois proposé & resolu au Conseil de vostre Maiesté,
ne peut ni ne sçauroit estre blasmé de qui que ce soit,
sans prononcer vn Arrest de mort contre soy mesme.
Vos decrets, SIRE, sont des resolutions celestes &
mysterieuses : vos deliberations sont des Euripes fluans
& refluans, sans que personne du monde en puisse
connoistre la cause : vostre Monarchie est vne machine
dans laquelle se ioüent imperceptiblement tous
les ressors de la sagesse humaine sans que le peuple y
puisse rien comprendre. Quand Numa fit bastir sous
terre vn Temple fort tenebreux, dedié au Conseil de
Romulus, il vouloit enseigner par là, que cõme les Rois
ne peuuent pas atteindre au Conseil des Dieux, que les
Subiets ne peuuent pas pareillement aussi penetrer dãs
les secrets de leur Prince, mais comme il est quelquefois
necessaire que les parties les plus nobles d’vn
corps, quoy que fort saines, souffrent les violens efforts
de la Medecine qu’il a prise pour se remettre en