[retour à un affichage normal]

Mazarinade n° B_2_1

Image de la page

Anonyme [1652], REMONSTRANCE AV ROY POVR LE PARLEMENT DE THOLOZE : TOVCHANT L’AVTHORITÉ DES PARLEMENTS. , françaisRéférence RIM : M0_3296. Cote locale : B_2_1.

des promesses, & par des dons, qu’on leuast pour l’Estape
des gens de guerre, beaucoup plus qu’il n’y falloit employer,
& beaucoup plus qu’on n’y employoit ; par ce
moyen, outre que l’iniustice estoit mauuaise, & haïssable
d’elle mesme, elle estoit encore ingrate, & sterile ;
vostre Majesté estoit blasmée, & n’estoit pas enrichie ;
les cris & les plaintes des pauures formoient des foudres
contre son Estat dans le Ciel, & ce qu’on leur arrachoit
ne luy donnoit aucun secours sur la terre, Que
pouuoit faire en cette rencontre vostre Parlement de
Tolose ? deuoit-il pas témoigner qu’il tenoit de vous
vne authorité Souueraine ? pouuoit-il souffrir vn mal qui
estoit venu à son comble, & qui blessoit l’imagination &
la veuë de tous les gens de biẽ ? la malice se couuroit-elle
de quelque pretexte specieux ? quand apres auoir pillé la
Prouince, qui l’auoit veu, qui l’auoit senty, qui l’auoit esclairée
de prés, elle vouloit fuïr la justice souueraine,
qui y reside, pour aller se justifier dans vostre Conseil,
& à la suite de vostre Cour, où elle ne voyoit plus des
tesmoins de ses forfaits, pour releuer sa reputation, en
changeant de Ciel & de climat, & lasser ses accusateurs,
par les frais & la longueur de la poursuite ? quelle loy,
ou quelle exception des loix establies en ce Royaume a
iamais osté au Parlement la connoissance de quelque espece
de crime ? on luy a voulu desrober la teste de quelque
coupable ? Eut-on dit dans les païs estrangers qu’en
vostre Royaume, les grands criminels estoient plus fauorablement
traittez que les petits, & qu’il y auoit bien
vne Iustice ordinaire pour la punition des petites voleries,
& qui m’affligent qu’vne personne ou vne maison,
mais qu’on y peut voler auec seureté pourueu qu’on y
vole des millions, & qu’on y appauurisse tout vn peuple.
SIRE, le Parlement de Tolose, ne trouua en tout
cela rien de supportable, & ainsi il fit toutes les diligences
possibles pour arrester vn mal qui imprimoit vne