[retour à un affichage normal]

Accueil > recherche > Affichage d'une occurrence en contexte

Mazarinade n° A_8_7

Image de la page

Anonyme [1649], REMONSTRANCE AVX ESPRISTS FOIBLES DE CE TEMPS. , françaisRéférence RIM : M0_3297. Cote locale : A_8_7.


SINCERE REMONSTRANCE
Aux Esprits foibles du Siecle.

VOVS qui dans le champ de la licence combatez
la verité auec les armes du mensonge & de la mesdisance ;
Vous qui faites trophées & tirez vanité
d’ignorer, & de ne cognoistre point la verité par vn excez
d’obstination & de crasse ignorance ; En vn mot, vous foibles
esprits qui n’auez pas beaucoup de ceruelle en vostre
teste que les giroüettes ont de fermeté & de consistance ; Ie
vous prie de grace d’agréer ma remonstrance que ie vous
faits en qualité de bon François & de Theologien ; Ie suis
extremément que vous taschiez de deschirer par vos langues,
la reputation & la gloire des plus illustres Senateurs
de l’Vniuers : de soüiller la pourpre de ce grand Ministre
d’Estat, qui a le maniment des affaires de France entre ses
mains, & de ternir l’honneur de la plus sage & vertueuse
Reine, qui a iamais porté Diadesme, il vous en arriue de
mesme qu’à ceux qui crachent contre le Ciel, car leur excrement
tombe sur eux. Ainsi les iniures & les imprecations
que vous vomissez, retournent en vous-mesme, accompagnées
d’vne honte, & d’vne confusion sans exemple.
Vous estes semblables à ces peuples Barbares, qui
sur le matin loüent & remercient le Soleil du bien & de la
faueur qui leur fait, de leur communiquer sa lumiere, & sur
le soir les ingrats pour recompence luy tirent des coups des
flesches, lors que la paix & la tranquillité commençoit à
estre restablie dans Paris, vous chantiez des peans de gloire
à nos Anges tutelaires, & maintenant qu’ils l’ont entierement