[retour à un affichage normal]

Accueil > recherche > Affichage d'une occurrence en contexte

Mazarinade n° A_8_78

Image de la page

Anonyme [1649], REMONSTRANCE DV PAPE, ET DE TOVS LES CARDINAVX FAITE AV CARDINAL MAZARIN, pour se retirer hors du Royaume de France. Auec exhortation audit Cardinal Mazarin, d’aller rendre compte à sa Saincteté de tous ses mauuais déportemens, à peine de desobeyssance. , françaisRéférence RIM : M0_3317. Cote locale : A_8_78.


vous auoir en horreur, comme la peste de leurs Prouinces,
& le Tyran de leurs corps & de leurs ames, qui ne
cesses plus que de gemir aupres de ma personne, en vous
accusant l’Ennemy de leur Estat, disant que vous estes
celuy seul qui prolongez la Paix entre tous les Princes
Chrestiens, voyant que vous mesprisiez les conseils &
les bons aduis que nous vous donnions, comme Amy
& Confrere de la saincte Eglise, qui nous ont fait desesperer
tout le bon succez que nous esperions en retirer,
par les Remonstrances que cette Auguste Compagnie
s’efforçoit de vous donner. Mais comme nous
auõs veu que vous ne cessiez de poursuiure, & qu’au contraire,
vous tiriez les affaires dans vn peril plus dangereux,
& dedans vne poursuite tres pernicieuse, & dommageable
à vostre Personne, à tout l’Estat de France,
& à toute son Eglise, qui semble tesmoigner par son silence,
tous les regrets & tous les ressentimens qu’elle
soufre par les desordres de la guerre, en se voyant interrompuë
du Seruice Diuin. Que sur l’Assemblée que
nous auons faite, nous auons iugé à propos de vous aduertir
touchant ces desordres, que vous ayez à vous rendre
dans la Capitale du Sainct Siege, & qu’auparauant
vous procuriez vne Paix auec tous les bons François,
(que vous auez si mal traittez durant vostre Administration)
& ses Princes, que vous auez excitez à se vanger
contre son Peuple, qui ne desire rien moins que de les
voir auec resioüyssance : De plus, de procurer semblablement
celle de la Chrestienté, puis qu’il n’a tenu qu’à
vous, & que vous ayez mieux aymé la renuerser, & la
faire choir, afin que durant sa cheute, son Ennemy prit