[retour à un affichage normal]

Mazarinade n° A_8_68

Image de la page

Anonyme [1649], REMONTRANCE DE LA REYNE DE POLOGNE, A LA REYNE DE FRANCE. , françaisRéférence RIM : M0_3305. Cote locale : A_8_68.

i’ayme d’vn amour tendre les François, les ayant
tousiours reconneu pleins de sincerité & d’affection,
& ie voudrois pouuoir leur en donner des tesmoignages.
 
I’ay interrogé ce porteur de nouuelles, d’où venoit
le suiet de ces combustions : il m’a dit que le Cardinal
Mazarin estoit l’autheur de tous ces souleuemens,
& que Messieurs de vostre Parlement & tout
vostre peuple s’estant veu fort insolentés de ses violences,
le peuple criant hautement qu’il n’y auoit plus
d’argent dans vos coffres, ny dans ceux du Roy, &
que toutes les Prouinces estoient presque reduites à
la besace, qu’on a tasché d’arrester le cours de ses voleries,
soit par arrests qu’on a donné contre luy, soit
par armes defensiues qu’on a prises. Ce qui l’a obligé
de faire en sorte aupres de vous, de retirer le Roy hors
de Paris, de vous faire voir offencée de leur procedé,
comme par affront, & de leuer des gens de guerre,
pour reparer ce tort imaginaire qu’il vous fait croire
auoir receu.
Il m’a dit que pour satisfaire à la passion de ce Cardinal,
que vous auez obligé la pluspart de Messieurs
vos Princes à prendre les armes, & à se declarer hautement
contre Paris, comme ils ont fait, l’ayant inuesti
auec des gens de guerre de tous costez ; mais ie
m’estonne fort comme vous & eux vous estes embarqués
dans vn si grand danger, où l’on voit toutes
les marques d’vn asseuré naufrage. I’ay demeuré long