[retour à un affichage normal]

Mazarinade n° B_8_16

Image de la page

Anonyme [1652], REQVESTE DE LA IVSTICE, AV PARLEMENT. CONTRE VN DE SES Principaux Ministres, ses Adherans, & Complices, Papetiers & Torche-cul du Mazarin. Auec les noms des principaux Mazarins qui y ont assisté. , françaisRéférence RIM : M0_3471. Cote locale : B_8_16.

Ny de ces gens plains de cautelle,
Que Iuges bottez on appelle :
Mais d’vn Iuge plus regulier,
Qui encore est beneficier,
D’vn vieil Conseiller de grand Chambre
De ce corps vn ancien membre,
Dont chaque lettre de son nom,
Commence ceux de son renom,
Par vn mistere hieroglifique ;
Il est mesme Ecclesiastique.
Mais il est auaricieux,
Extrauagant seditieux,
Qui ne suit rien que son caprice,
Puissant en biens & en malice,
Qui parle & dit plus qu’il ne sçait,
Graue & glorieux comme vn pet ;
Mais enfin comme vn homme riche,
Ne croit iamais l’estre, estant chiche,
Est tousiours en crainte & en soin,
Quoy qu’il n’en ait point de besoin ;
La Cour vn iour par sa prudence,
Resoluant quelque remonstance,
Par vne deputation,
Qu’on creut lors estre de saison,
Ce rare Conseiller d’Eglise,
Ne veut point que l’on temporise,
Il ne respire que le sang,
Il sort du deuoir de son rang,
Et l’intetest seul qui le touehe,
Luy tirant ces mots de la bouche ;
DEQVOY VIVRAY IE CEPENDANT ?
Vn de Messieurs sage & prudent,
Le voyant ainsi hors d’haleine,
Luy dist, n’en soyez point en peine,
Vous viurez des cent mil escus,
Qui vous sont restez du blocus.
Cette repartie fut prompte,
Bien plus que la fin de la honte,