[retour à un affichage normal]

Accueil > recherche > Affichage d'une occurrence en contexte

Mazarinade n° B_9_13

Image de la page

Anonyme [1649 [?]], REQVESTE DV DVC DE VANDOSME AV PARLEMENT DE PARIS. , françaisRéférence RIM : M0_3496. Cote locale : B_9_13.


ma fortune : lesquelles choses ie ne doute point qui n’ayent
donné legitime sujet de meffiance à Vostre Majesté, laquelle
i’aduouë de plus auoir auec trop de soing & d’affection visité la
coste de mondit Gouuernement, quoy qu’à la priere & requisitoire
des Estats tenus à Ploerniel la mesme année que ie fis le
tour de la coste : & sur ce qu’on m’a demandé si ie n’auois eu
entreprise sur Blauet & le Chasteau de Nantes & Brest, ie declare
à Vostre Majesté que pour Blauet quand i’y allay, & en y
arriuant lors que Monsieur de Soubize s’en voulut saisir, c’estoit
auec le seul but de secourir la place, & vous y seruir : mais depuis
y estre i’appris le mauuais ordre auquel estoit cette place lors,
& deux iours apres recogneus la capacité du Duc de Brissac pour
auoir vne place de telle importance en sa garde, & pour les
actions guerrieres, cela me fit passer en mon esprit vne pensée
du peril qu’auoit couru cette place, & du mal general à la France,
& particulier à la Prouince, que la perte eust apporté, & là
dessus meditois en moy mesme que la garde en pouuoit estre pour
le moins aussi seure entre mes mains qu’entre celles dudit Duc
de Brissac, & en mesme temps i’eu dessein de m’en asseurer,
sans toutesfois l’auoir communiqué à personne, ny l’auoir tenté.
Pour Nantes, il est vray que depuis que i’en fus despoüillé du
Gouuernement par Monsieur de Montbazon, mon but a esté
tousjours d’y rentrer : mais parce que nous auions de nouueau
fait amitié Monsieur de Montbazon & moy, ie m’estois resolu
tant qu’il le possedroit de n’y songer iamais ; mais i’esperois que
le Prince de Guimené en seroit bientost en paisible & entiere
possession, qui sans doubte changeant ceux qui commanderoient
sous son pere pour y en mettre d’autres, m’eust donné
moyen de rentrer en cette place : Ce que ie ne me resoluois pas
de faire ny d’executer que selon l’estat où pour lors eussent esté
les affaires generales de ce Royaume. Pour faciliter mon dessein
de Nantes ie trauaillois à y acquerir dans la ville le plus
d’amis que ie pourrois, afin qu’à coup prés cette Communauté
desirast & tesmoignast m’auoir plutost pour Gouuerneur que
ledit Prince de Guimené : & pourtant mon projet pour Nantes
ne m’a pas passé, car ie ne l’ay pas communiqué à personne,
non plus que celle de Blauet. Pour Brest, ie n’ay eu dessein d’y
entreprendre : Bien est il vray que la diuision des deux qui en