[retour à un affichage normal]

Mazarinade n° B_19_18

Image de la page

Anonyme [1652], RESPONSE A LA PRETENDVE DECLARATION DV ROY, Sur le sujet de la Paix, nuitamment affichée. Auec les procedures criminelles faites contre les Autheurs, Afficheurs, & leurs complices. , françaisRéférence RIM : M0_3371. Cote locale : B_19_18.

"7"/> l’on propose, l’on approuue pas le pretendu Parlement,
composé seulemẽt de 15. ou 16. Iuges mal
intentionnez pour le bien public, & qui n’y sont
allez que pour leur interest, comme le President
de Nouion, pour estre premier President, & qui
neantmoins prononcent les Chambres assemblées,
quoy que chacune Chambre doiue estre
composée au moins de douze Iuges, selon les termes
de l’Ordonnance, joint que ce ne pourroit
estre proprement vne Amnistie Generale, puis
que le mot Grec d’Amnistie est vn oubly general
des choses qui se sont passées de part & d’autre
durant la guerre, sans reseruation d’aucune peine
ny chastiment. Or ce seroit vne punition assez
grande à la Ville de Paris, que de transferer
son Parlement ailleurs, & par consequent ladite
Amnistie, n’est pas dãs sa perfection, ny telle qu’il
la faut pour la seureté publique. Il faut donc
de necessité qu’elle soit verifiée à celuy de Paris,
& que les choses soient remises au mesme estat
qu’elles estoient auparauant la guerre. Le public
ayant interest qu’elle soient verifiées au mesme
Parlement, où tous les Edits de pacification ont
tousiours esté verifiez, qui est le premier de France,
& le Parlemẽt des Pairs, & où Sa Majesté à son
lict du Iustice, afin d’oster toute sorte de deffiance
au peuple : d’auantage si l’on auoit accordé cette
verification, se seroit approuuer ledit Parlement
de Pontoise, ou au moins la subsistance de