[retour à un affichage normal]

Mazarinade n° A_5_77

Image de la page

Anonyme [1649], RESPONSE DV ROY LOVIS XIII. en Bronze, de la Place Royale, A SON PERE HENRY IV. de dessus le Pont neuf. , françaisRéférence RIM : M0_3440. Cote locale : A_5_77.

vn petit Empire des ruines du nostre : Il tient à sa solde
des gens disposez à commettre toutes sortes de
meschancetez, & qui encherissans sur les impietez
plus execrables des guerres passées, font gloire de violer
tous les droits, & de porter l’horreur de leurs attentats
sur les Trônes les plus purs de la sainteté. Les
voiles sacrez ne defendent point les Vierges contre
leurs efforts abominables, & les Vaisseaux dediez à
l’honneur de leur Religion ne trouuent ny azyle, ny
priuilege sur les Autels, contre leurs sacrileges brigandages,
encore parmy tant de crimes qui doiuent
le mettre en detestation par tout où se rencontre la
vertu ; les premiers de nostre Sang embrassent à nostre
honte lâchement sa defense. Le Duc d’Orleans mon
Frere, le Prince de Condé signalé par tant de prises de
Villes, & dernierement encore par celle de Charenton,
accompagnez du Comte de Harcourt, & d’vn
grand nombre de braues Seigneurs, ne refusent point
de prodiguer pour luy seul tant d’illustres vies qui
doiuent estre conseruées pour les soustien & la grandeur
de leur Patrie. On tient que la force de quelques
charmes dont il s’est seruy, a de la sorte assujetty leurs
inclinations à sa volonté ; mais certes les caracteres
dorez dont il leur a esbloüy les yeux, & remply les
mains, ont esté les enchantemens, qui de Princes tres-affectionnez
au bien de leur païs, les ont fais deuenir
les Protecteurs de son Persecuteur. C’est nostre seul
Parlement de Paris, qui dans cét euident peril a remué
les bras pour soustenir l’Estat chancelant : Tout
le peuple esmeu d’vn si beau zele, a fortement &