[retour à un affichage normal]

Accueil > recherche > Affichage d'une occurrence en contexte

Mazarinade n° E_1_76

Image de la page

Anonyme [1649], REVELATION DV IEVSNEVR OV VENDEVR DE GRIS, ESTABLY DANS LE PARVIS DE NOSTRE-DAME, CONTENANT LES REMEDES necessaires à la maladie de l’Estat. , françaisRéférence RIM : M0_3541. Cote locale : E_1_76.



Aussi-tost la presente veuë
Le publier de ruë en ruë
Par des trompettes ou tambours
Dans la Ville & dãs les Faux-bours.
 
 
Outre ma sublime science
C’est aussi mon experience
Qui me promet vn bon succez
Car ie suis vn Diable en procez,
Ie connois le mal & la cause
I’ay veu debout en bout la chose
Et les maux que i’auois predits
Il me souuient dés Samedis ;
Que sa Maiesté Souueraine
Appellée autrement la Reyne,
Venoit icy rendre ses vœux
Elle est tres-bonne ie le veux.
Mais elle a des gens auprés d’elle
Ie sçay bien comme on les appelle
Qui me semblent vn peu suspects
Ce peuple auec de grands respects,
Luy venoit faire humble requeste
De ne mettre point sur sa teste
Tant de subsides ny d’impos
Et de le laisser en repos,
Elle le payoit d’esperance
Et le traitoit d’indifference,
Mais enfin ce qui le picqua
Ce fut lors que l’on pratiqua
Par vne pure tyrannie
Sortant d’vne ceremonie
D’enleuer en catiminy
Brousselle auecques Blanmeni
I’estois present à ce mystere
La discretion me fit taire
Mais ie vis bien que cet effort
Dõt les autheurs auoient grand tort,