[retour à un affichage normal]

Mazarinade n° A_7_38

Image de la page

Anonyme [1649], SVIET DE LA FARCE REPRESENTEE PAR MAZARIN, SES DEVX NIEPCES, ET LES PARTISANS. Dancé dans la place de Sainct Germain en Laye , français, latinRéférence RIM : M0_3729. Cote locale : A_7_38.

parce qu’il n’est qu’vn extraict d’vn seul Ingrediant ;
& pour ne vous pas faire languir dauantage ;
Ie vous diray que son Baume est la quinte essence
des tresors de la France ; Le peuple considerant
qu’il estoit d’vn trop grand prix, fut tout estonné
de son artifice, & ne se trouuoit point aucun des
assistans qui osa jetter son mouchoir, il ne laissat
pas neantmoins de raconter à la compagnie les
prodigieux effets de sa quinte essencé : Il disoit
qu’elle n’estoit pas non seulement propre pour rejouïr
le cœur, fortifier la memoire, dissiper la melancholie,
recréer les esprits, chasser les ventositez
& cruditez de l’estomach, mais encore elle estoit
excellente pour toute sorte de blessure, & que
sans elle on ne peut iamais faire de bons consumez
ny moins tenir long-temps le corps humain en
repos & en santé. Nostre Medecin certainement
à raison, car vne personne qui n’a point de l’or, est
tousiours en fiévre : Il sçauoit bien que son remede
estoit de trop grand prix, & que par consequent
aucun des Habitans de sainct Germain n’entreprendroit
point d’en achepter, mais plustost de le
piller, ce qui fut la cause, qu’il ne l’exposa point
en vente ; mais il les laissa dans ses coffres, il prit
congé de l’assemblée, & s’en alla derriere le theatre,
à l’instant ses deux Niepces parrurent, qui font