[retour à un affichage normal]

Mazarinade n° C_9_51

Image de la page

Anonyme [1649], TRES-HVMBLES REMONSTRANCES DV PARLEMENT DE NORMANDIE AV SEMESTRE DE SEPTEMBRE AV ROY, ET A LA REINE REGENTE. , françaisRéférence RIM : M0_3833. Cote locale : C_9_51.

leur pouuoit reprocher il y a cent ans, ce qu’ils nous reprochent
aujourd’huy, Il est certain que toutes les deux
Compagnies sont émanées d’vne mesme puissance, qui
est la Royale, Qu’elle leur a communiqué à toutes deux
vne égale authorité, & partant qu’elles n’ont aucun aduantage
l’vne plus que l’autre. C’est vne maxime aduoüée
de tout le monde, que tous les Roys qui gouuernent vn
mesme Estat, ont vn mesme pouuoir ; que le temps n’y
peut apporter aucune diminution, & que selon les diuerses
occurrences, ils ont la liberté de faire diuers establissemens,
rien n’estant capable de leur prescrire des
bornes, que leur prudence & le bien de leur Estat. Deux
grands Roys tous deux portans le nom de LOVIS, & le
surnom de IVSTE, tous deux estans dans la maturité de
leur âge, & dans la fleur de leurs victoires, ont creé les
Officiers des deux Semestres du Parlement de Normandie ;
& si l’on considere bien les motifs que chacun d’eux
en a eu, sans doute il ne se trouuera aucune raison de
destruire l’ouurage de l’vn plustost que celuy de l’autre.
Neantmoins les Anciens passans par dessus toutes ces
considerations, ont emporté vne Declaration de Vostre
Majesté, pour supprimer celuy du feu Roy. Mais quand
mesme ils l’auroient euë en vne autre saison, & d’vne autre
sorte, il y a tant de raisons qui la doiuent rendre nulle,
que nous esperons qu’il ne leur sera pas moins inutile
de l’auoir obtenuë, qu’il leur a esté honteux de la demander.
 
POVR bien iuger de ce qu’elle vaut, il faudroit premierement
considerer, qui sont ceux qui l’ont demandée.
Ce sont des Deputez du Parlement de Paris, lequel
nous estoit venu establir dans l’exercice de nos Charges,
& du Parlement de Roüen, dont nous auons receu prés