[retour à un affichage normal]

Accueil > recherche > Affichage d'une occurrence en contexte

Mazarinade n° C_5_64

Image de la page

Anonyme [1649], INSTRVCTION PROMPTE ET FACILE, AVX PARISIENS POVR BIEN APPRENDRE l’exercice du Mousquet & de la Picque, & les rendre par faits en l’Art militaire. , françaisRéférence RIM : M0_1709. Cote locale : C_5_64.



Prenez la mesche auec le pouce & le serpentin, & la mettez
au serpentin, sans le serrer auec le verin.
Couurez le bassinet & compassez la mesche.
Le Soldat doit couurir le bassinet, pour esuiter tout danger
puis il doit compasser la mesche auec le pouce, & le deuxiesme
doigt, à ce qu’en vn instant il la puisse faire longue,
courte, haute, ou basse.
Soufflez la mesche, & ouurez le bassinet.
Soufflez la mesche couurant le bassinet auec les deux
doigts de deuant, de peur qu’il n’y tombe quelque estincelle,
& puis ouurez ledit bassinet bien proprement.
Tenez haut le mousquet.
L’on doit icy auoir le mousquet, tenant le deuant haut, en
mettant la iambe gauche deuant, pour alors le mettre en
jouë.
Couchez le mousquet en ioue, & tirez.
Couchez en jouë, & tenez le mousquet de la main gauche,
le bras droict sousleué, & le corps tourné, le genoüil gauche
plié, & le droit ferme, non seulement pour la bien seance,
mais aussi à ce que le mousquet puisse estre plus facilement tenu
& deschargé.
Reprenez la mesche.
Ostez promptement la mesche du serpentin, auec les mesmes
doigts que vous l’auez mise dessus, & non pas la tirer, de
peur de l’esteindre,
Remettez la mesche entre les doigts.
C’est qu’il faut remettre la mesche entre les doigts, d’ou on
l’auoit prise, tenant tousiours le mousquet en competente
hauteur.
Soufflez le bassinet ;
Il faut souffler le bassinet, à cause des estincelles, de peur
d’accident.
Amorcez.
Prenez de vostre puluerin, & non des charges de mousquet
pour le mettre sur le bassinet.
Fermez le bassinet.
Fermez le bassinet auec le doigt deuant.
Secouez le bassinet.
Secoüez l’amorce de dessus la couuerture du bassinet ; afin
que le mousquet ne se descharge, lors que l’on compassera la
mesche.
Soufflez le bassinet.
Pour plus grande seureté il faut souffler son bassinet ; de peur
que par l’abondance il ne soit demeuré quelque chose sur ladite
couuerture.
Tournez le mousquet.
Lors il faut tourner le mousquet, pour recharger vers le