Mazarinade n° B_2_29
Image de la page
Anonyme [1652 [?]], INSTRVCTION ROYALE, OV PARADOXE SVR LE GOVVERNEMENT de l’Estat. , français, latinRéférence RIM : M0_1710. Cote locale : B_2_29.
Optatus Mileuitanus à soutenu que l’Eglise estoit en là
Republique comme vn fonds, ou comme vn Domaine
estranger, comme s’ils vouloient dire & les
vns & les autres, que les Princes Chrestiens, dont
vous estes le premier, Sire, sont obligez de mettre
en execution les droits Diuins, Naturels & Canoniques,
& si la chose le requiert, vser du glaiue, pour
maintenir l’Eglise dans ses droits, & pour la defendre
contre tous ceux qui la persecutent.
Ma hatias vn peu de temps auant de mourir, commenda
aux Machabées ses enfans, de combatre tousiours
pour la defence de l’Eglise, ainsi que tous ses
predecesseurs auoieut fait, s’ils desiroient de s’aquerir
vne gloire immortelle. Et Charlemagne n’escriuoit
iamais à pas vne de ses Prouinces, où il ne mit
tousiours au commencement de ses Edits, de ses Ordonnances,
ou de ses Lettres patentes, ces mots, Ego
Carolus, gratia Dei, eiusque misericordia donante Rex &
Rector Regni Francorum, & deuotus sanctæ Dei Ecclesiæ
defensor, humilisque adiutor, omnibus Ecclesiasticæ potestatis
ordinibus, seu secularis potentiæ dignitatibus, salutem.
Considerez donc de grace, Sire, qu’il ne se qualifie
pas seulement Roy de France : mais encore de plus,
tres-deuot Defenseur de l’Eglise Catholique, Apostolique
& Romaine. C’est pourquoy, Sire, vous ne pouuez
pas, non plus que tous vos predecesseurs, en qualité
de Seigneur souuerain, vous exempter en façon
quelconque de maintenir l’Eglise dans ses droicts, &
de la defendre hautement contre tous ceux qui la persecutent,
si vous n’en voulez pas estre vn iour comptable
deuant Dieu, comme du plus enorme de tous les
crimes.
2. Il y a quelque trois ans, Sire, que ie vis vne certaine
refutation d’vn discours intitulé Lettre d’Aduis,
Image de la page