[retour à un affichage normal]

Accueil > recherche > Affichage d'une occurrence en contexte

Mazarinade n° E_1_75

Image de la page

Bourbon, M. de [signé] [1649], RESPONSE DE MADAMOISELLE A L’ARCHIDVC LEOPOLD, TOVCHANT LE TRAITTE de l’accommodement de la Paix. , françaisRéférence RIM : M0_3397. Cote locale : E_1_75.


tout le Monde que vous n’auez autre dessein
que de procurer la Paix, & que vos troupes sont
plutost capables de causer de la ioye, que de
donner de la crainte. Il est vray qu’il y a eu des
Reynes qui ont osté le sceptre & la liberté à de
tres puissans Monarques : mais il y en a eu beaucoup
dauantage qui les ont rendus esclaues, sans
les faire mourir, & l’historien prophane aprés
auoir descrit les combats, les victoires, les conquestes,
les triomphes du grand Alexandre le
represente assis sur les genoux d’Oxane fille du
Satrape de Perse, & vn petit Amour, qui parmy
les caresses qu’ils se rẽdent mutuellemẽt se iouë
de la Couronne de ce grand Monarque, & brise
les armes auec lesquelles il auoit surmonté
tant de nations & de Royaumes. Mais Prince
incomparable, nous sçauons trop, que
vous n’auez aucun dessein ny de prendre
ni d’estre pris : que vous n’auez pas intention
ny de faire des esclaues non plus
que de deuenir vous mesme captif : ainsi
toute la Cour iuge en bonne part de
vostre arriuée en France, & vos entreprises
ne passeront iamais pour suspectes,
Ouy, Ouy faictes ce qu’il vous plaira,