[retour à un affichage normal]

Mazarinade n° E_1_58

Image de la page

D. B. [signé] / Cyrano de Bergerac, Savinien de [?] [1649], LE GAZETTIER DES-INTERESSÉ, ET LE TESTAMENT DE IVLES MAZARIN , françaisRéférence RIM : M0_1466. Cote locale : E_1_58.

cherchoit, il fit auec le temps, vn grand nombre de malheureux
& de duppes, & commença dés lors à remplir les Hospitaux
& les Monts de pieté de ses pechez & de ses vsures. Il est
vray que cecy ne succeda pas tout d’vn coup, & qu’il faisoit
quelquefois d’assez grandes pertes pour vn homme à qui le
moindre gain deuoit estre considerable, mais il tiroit aussi quelque
fois des aduantages de ces pertes, pource que dans la fureur
du jeu il se joüoit enfin luy mesme, comme ces peuples d’Allemagne,
dont parle Tacite, & u’il deuenoit le confident nocturne
de ceux dont le hazard l’auoit fait esclaue. C’est ainsi
que son nom s’accreut à Rome auec ses moyens, que ceux qui
l’auoient eu au lict, le voulurent auoir à table, & qu’ils l’assisterent
de leur faueur auec tant d’empressement, qu’il fut tousiours
depuis ou les delices ou l’esperance de ceux qui n’estoient pas
encore venus iusques à la derniere bestialité. Il ne pouuoit oublier
ce furieux amour de luy-mesme ny des autres, pource
qu’il est impossible de blanchir vn More, & d’effacer les diuerses
marques d’vn Leopard, pour me seruir des termes de sainct
Gregoire de Nazianze, ou pour parler auec Hierocles dans
Aristophane, de faire marcher droit vn Cancre. Apres cet appareil
infame, il brigua l’amitié de quelques personnes considerables :
il eut mesme quelques emplois assez glorieux, & l’vn
des successeurs de S. Pierre ne voulut pas estre le dernier à luy
procurer quelques auantages. Mais il ne ménagea pas mieux
ses interests que ceux du Duc de Mantouë, & de son Roy legitime,
il leur fit voir qu’il pouuoit estre sacrilege, traistre, & rebelle,
& ne manqua pas d’estre tous les trois dans vne mesme
personne. Quoy qu’il eust sujet de trauailler pour leur bien
commun, il ne changea ny de condition ny d’humeur, il retourna
contre leur creance à ses premieres fourberies, & ne pût non
plus se défaire de son naturel auec des personnes de vertu, que
ce bouc de Mendez en Egypte, qui pour estre enfermé auec des
femmes sort belles, n’en deuenoit pas plus amoureux, mais qui
ne s’adonnoit qu’à des Chevres.
 
Aristote dit, que les vns sont faits bons par la nature, quelques-vns
par la doctrine, & quelques autres par l’accoustumance ;
& le Cardinal Mazarin voulut témoigner qu’il estoit d’vn
quatriesme ordre, & qu’il ne pouuoit deuenir bon que par vn