[retour à un affichage normal]

Accueil > recherche > Affichage d'une occurrence en contexte

Mazarinade n° C_5_24

Image de la page

D. B. [signé] / Cyrano de Bergerac, Savinien de [?] [1649], LE GAZETTIER DES-INTERRESSÉ. , françaisRéférence RIM : M0_1466. Cote locale : C_5_24.


LE
GAZETTIER
DES-INTERRESSÉ.

Ceux qui attaquent le Cardinal Mazarin
par sa naissance, & qui en veulent faire
son premier crime, ou qui s’imaginent
que sa condition luy deffendoit d’approcher
de si prés des degrez du Throsne,
ne doiuent pas estre mis au rang des Sages ; & i’ose
dire que le feu mesme qui les échauffe, les aueugle en
cette rencontre Nostre cõdition est vne, il n’y a que
la vertu qui nous distingue, & la noblesse ne peut pas
auoir tousiours esté vieille. Outre que ceux qui n’ont
point receu de faueurs de la nature, peuuent pretendre
legitimement à celles de la fortune, il est certain
que Dieu releue la bassesse, & qu’il abaisse la grandeur
quand il luy plaist, comme dit Chilon, & comme
l’Escriture nous l’enseigne, & que les Roys qui en
sont appellez les viuantes & les plus parfaites Images
peuuent limiter sans faillir, & faire quelque chose de
rien, par vne espece de creation qui ne doit pas tenir
lieu de miracle. Toutes les terres ne peuuent pas
estre si pretieuses que celles des Indes. Toutes les tailles